منتديات بعد حيي - عرض مشاركة واحدة

معرض الوسام · 06-27-2012, 01:24 AM

[poem=font=",6,orange,bold,normal" bkcolor="black" bkimage="" border="double,4,royalblue" type=2 line=0 align=center use=ex num="0,black""] ياللي غرامك غير مرئي ومسموع=عبر الرسايل والحروف البديعه
تجمع لهيب الشوق بالكيف والنوع=وبالصدق كنه من صكوك الشريعه
بس البلا شوفه مثل حبة الكوع=لو عشت في نار الجفى والقطيعه
امسى غيابك يوم واثنين واسبوع =عن صاحب ضاقت عليه الوسيعه
ولو خافقك في نار الاشواق مدفوع=ماغبت عن قلب طعونه شنيعه
ظنيت لك في خطة الوصل مطموع =وكل الوعود بدرب وصلك سريعه
وصار الوفى من منهجك شبه منزوع=وعفنا دروب اهل المحبه جميعه
الضرس لاوذى صاحبه فيه شالوع=دام المنام الزين ماتستطيعه
وعذر الحياء والبعد والخوف والروع=صعب تبرر لك دروب الخديعه
غرك كلام اللي من الحقد ملقوع=وينقل سواليف العنود الفريعه
وراع الحسد قلبه مع الناس مقموع=لا شاف روض القوم يسحر ربيعه
لا جاه مدح اللي مع البيد قاطوع=يدهاه بدروب الردى والهزيعه
سم الحسد بكبود الارذال منقوع =ونيران حقده بالضماير فضيعه
والخبث في كبده مثبت ومشموع=يفرح بسقطات الرجال ويذيعه
شره على اللي سار للمرجله طوع =يشعل على كبده حروب الوديعه
والله فلا حوله متاريس وفزوع=وعزوم خيله ماتجي بالطليعه
وعيب العباد بخصلة البخل مجموع=والخال عدوى للنفوس الرضيعه
جيزة بنات العفن للهون ينبوع=واوصافها بالزين ماهي ذريعه
يطرد خيال القرش نزلات وطلوع=والوالده بالقرش عيا يطيعه
والكذب ثوبه بالمخاليق مرقوع=وناتج دروبه ضيعة عقب ضيعه
حبله بسوق اهل الطويلات مقطوع =والفقر مسكان النفوس اللكيعه
تلقى خنادق بيتهم تقل جربوع=ولابد مايفضح ويكشف صنيعه
والآدمي في تالي العمر مفجوع=والموت مادونه حصون منيعه
لو مكسبه بالعمر مثني ومربوع=الموت ملفى الناس سنه وشيعه
تلقاه بمتون الرجاجيل مشلوع=صوب القبور اللي قليل شفيعه
تلقى الذي حاله غرابيل ودموع=ويشكي طواعين القهر والفجيعه
وتلقى الذي يرجي بساتين وزروع=ونقوة مواريث النفوس الصريعه [/poem]