سريت من ليل التباريح ، عسّاس
علّي أشوفك ( نور ) لكنّك أظلمت !
حزني شجر واعذارك وبسمتك فاس
لاحت ملامح ، و ارتويت ، وتألمت !
كم دمعةٍ علّقتها بين .. الاقواس ،
خايف عليها ... لاتطيح ان تكلمت !
لنّ الكرامه عندي اولى من الناس
وانا ، لـها يمّـمّت قـلبي و سلمت !
وشلون تجرح وانت ريحانة إحساس
وانا على فرحك وحزنك ، تقسمّت !
ان كان قصدك تروي عيوني نْعاس ،
عزّالله انك عن سهر ليلي اكرمت !
كيف انتظر من ساكن الليل نبراس ،
وهو مغادر صبحي اللي .. توهمت !
ياليت ينفع خاطري قول لا باس ،
ياليت احس بفرحتي لا تبسمت !
انا .. ! بقايا روح تحتاج لـ أنفاس ،
انا ..بقايا صوت ماطاقه الصمت !
طعنتك كم فجّت ضلوعي والاحساس
حاول تحسّ بطعنتك ( لو تكرمت !
مخرج :
كِل ماعرضت صآحِب لِـ الملام ،
ماطِعمت إلا على فمي ( بِكي ) !
مِن كِثر مآكآن في صدري كلام :
صرت اقص أزرار لبسي لآيّحكي