منتديات بعد حيي - عرض مشاركة واحدة

معرض الوسام · 07-26-2012, 05:33 PM

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]

عقب نايف
http://www.b3b7.com/vb/showthread.php?t=107775

[poem=font=",6,white,bold,normal" bkcolor="seagreen" bkimage="" border="inset,4,white" type=1 line=0 align=center use=ex num="0,black""]

الله يغفر ذنـب ابـو سعـود ويبيـح=
علـى الرجـال النـادره واحسايـف
ليـث تصاريحـه تهـز التصاريـح=
اليـا اصـدره كنـه دوي القـذايـف
مودع كلاب الفرس خـرس مباطيـح=
اهـل المعـام مسوقيـن الخـرايـف
بانت عقب مامات خضـر التماسيـح=
ولايـفٍ فـرس العجـم لـه ولايـف
فرِح النمر والشعـب يبكيـه ويصيـح=
لو مهو صاقرهـم صقـر ماتكايـف
وشلون راكى عيـن هـداج والسيـح=
خبرة تنـك ومخـرزات الخصايـف
غيـده تهـزع بالبساتيـن وتمـيـح=
لو سولف العوجاء علومـه طرايـف
كبـر دمـاغ ملقـح الطلـع تلقـيـح=
اللـي عيونـه وسمتهـا السعـايـف
من قـرب الافعـى جزتـه المكاليـح=
عوجٍ من السـم الذحاحـي رعايـف
وشلون نامن فـي طـوال المسابيـح=
على النوايـا السـود كـلٍ مظايـف
نايف منه تاقف على رجـل وتطيـح=
كبـر الركـب ماينقلـن الهـدايـف
اسمـه يقبـح مـارق الديـن تقبيـح=
اللي علـى السنـه تعـض الشفايـف
يقطع وياصل دون صجـه وتفضيـح=
يقدر ضحى ومن الدهاء تقـل حايـف
ماحصلـت منـه الصحافـه مرابيـح=
يـدب ولا تنشـر خبـره الصحايـف
ماوصلتـه اقصـاه طوقـن نوابيـح=
جدع الاذان اللـي تعـاوى غلايـف
يسهـم اسهـام مسدحـات المصاليـح=
مسلوعـاتٍ تقـل حنكـة حـلايـف
اللي يطـوح مجـرم الدمـغ تطويـح=
بالشـرع والمخطـي دواه الرهايـف
عقبه تبي بعـض السياسـات تنقيـح=
الحكم مهـو حـوك حمـر القطايـف
المملكـه دولـه وقــوه وتسلـيـح=
محدن لديـه شكـوك والكـل شايـف
على الحطب فرقك سما يااخضر الشيح=
روضك ابد مالـه شبيـه الوصايـف
وين انت ياضل الجبل لحتمـا الريـح=
مامن مقيـلٍ فـي رجـوم الحتايـف
ماتـذري الحمْـر زوال الصحاصيـح=
ياحيـف ياظـل الطويـل المهايـف
في فيتـه عكـف المخالـب مفاجيـح=
شيخان قومٍ فـي صـدور المظايـف
نايف حجا سنجـار ياشـوب الريـح=
عن لاهب الجوزاء ذعاذيـع طايـف
الله خلـق لقفـول بقـعـاء مفاتـيـح=
مرحـوم يامفتـاح الامجـاد نـايـف
اللي دماغه ينسـف الرعـب ويزيـح=
منه العدو لهو وراء الصيـن خايـف
بحرٍعليـه تسيـر سفـن الملالـيـح=
شال الحمل عنهـا وسـارت خفايـف
لـه غبـةٍ تخشـاه كـل السوابـيـح=
وفي جوفه اللولـو جميـل الوصايـف
نهر العطى مروي الكبـود المشافيـح=
اللي لحقهـا مـن ضماهـا كلايـف
لوهو على الكرسـي بعيـد المطابيـح=
عين الدها تبصر شعـوب وطوايـف
ياقمـة القـمـه ودونــه لوالـيـح=
يامـودع الارهـاب مفلـس وعايـف
يانهـر دجلـه يـافـرات الفلالـيـح=
مروي النخيل اللـي عذوقـه تهايـف
الجـدي تقدابـه هـل الفطـر الفيـح=
وجـدي السياسـه للسياسـات نايـف
قلته ولا ارجي من وراهـا المرابيـح=
والصدق ينفـي كـل مفهـوم زايـف
نطلب لـه الغفـران ونحـل ونبيـح=
وعسى العوض في مصقره والخلايف
[/poem]
[/ALIGN][/CELL][/TABLE1][/ALIGN]