منتديات بعد حيي - عرض مشاركة واحدة

معرض الوسام · 09-08-2012, 01:01 AM

الحنين :
احساس بالخافق / يبين !
نبضه ملامح من وله
وشعور / مخنوق بـ أنين !
تؤرق ملامح : هالغياب
وتتوشح احساس : الأرق ..
ياذا الحنين :
سنين وسنين وسنين !
لأحباب رحلتهم / سفر
كانوا لنا : حبر بورق
ذكرى وقطعه / من حنين !
راحوا وسابوني وحيد
بين التعب وبين الأرق !
وخيط اللقاء بصمت انحرق
يامسافرين :
على بحر ذاك الغياب
خافوا الغرق
خافوا الغرق
احباب : شتتنا / الزمن
وصرنا نتوق لوصلنا
يامسافرين :
رحلة ذهاب بلا إياب !
عودو لنا
عودو لنا
ومحطة الذكرى : تتوق
لأحلى سنين :
يامسافرين !
خلو الغياب وقصو تذاكر للرجوع
مينا الاماني : ينتظر رجعة حبيب
رجعة قريب
رجعة وجيه / مسافره
اهدتنا غربه من تعب
مينا الأماني : يحتظر
وملامح الشوق : اغتراب
يـ أحباب !
يوجعنا / الزمن !
ويوجعنا / احساس الحنين !
يـ احباب للقيا : ثمن
تجبر على خاطر حزين
فتشت في جرح الليال
لقيت دمعه من شجن !
طاحت على هجر ووداع
ترجف : تقول البعد طال
والبعد ذنبه / ما انغفر
سكة ضياع : وأرصفه !
سكة وداع : مغلفه !
بجرح : وحنين !
تاهت خطاوينا / وضاع
[ درب الرجوع ]
وكملنا / سكة هالوداع
نمشي وتخنقنا : الدموع
ورحلة نهاية هالحنين !
لوعه ودمعه .. واختناق
هذي : تفاصيل الغياب
وهذي تفاصيل الحنين !