منتديات بعد حيي - عرض مشاركة واحدة

معرض الوسام · 09-21-2012, 05:31 PM

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

الشيخ/فارس بن محمد بن طواله.. رحمه الله تعالى
http://www.b3b7.com/vb/showthread.php?t=110031

مدخل
فارس بميقافـه ونــادر خــــصالـه
....ماله شبيه بشوف غيري وشوفـي
وان عدوا الشيخان(فارس)الحالـه
....الليث اخو شيمه عديم الوصوفـي
شيخ الشيوخ..وتاج روس الطواله
....ان هاب بطش الجالسين الوقوفـي
يفداه منـهو شيخــتـه فـي ريـالـه
....ماجت بعد اجدود..جت بالالوفـي
وان طمعوا ابشوت الشيوخ الحثاله
....قلنا نموت ولا تشيـخ الضعوفـي

[poem=font=",6,white,bold,italic" bkcolor="black" bkimage="" border="ridge,4,gray" type=1 line=0 align=center use=ex num="0,black""]

أسودت الدنيا ونور الفضـاء غـاب=
وحل الظلام بليـل موحـش جبينـه
والارض دارت والقـدم زل مرتـاب=
وأنشلـت أفكـار العقـول الرزينـه
قلت:الخبر؟ قالوا: حزن والفرح شاب=
(فارس) خذاه الموت واقفت سنينـه
ادعوا له الرحمه تحت رب الاربـاب=
وكـلٍ علـى بلـواه ربـه يعيـنـه
سمعتهم واغضيت والقلب منصـاب=
وتفجـرت عبـرات عيـنٍ حزينـه
أبكي على شيـخٍ للامجـاد كسـاب=
شيخٍ وفعـل الطيـب عـادة يمينـه
حرٍ ولـد حـرٍ رقـا راس مرقـاب=
بالفعـل مامثلـه ولا احـدٍ وزينـه
هذاك ما مثله يحسَب لـه احسـاب=
لـو هـو بعيـد مقـدّر وهايبينـه
ابكي ويبكونه معي عصم الاشنـاب=
كلٍ على شانه رخص دمـع عينـه
مرحوم يا فكاك عسـرات الانشـاب=
ريف الضعيف وعز منهـو عوينـه
نسل الحرار اللي يفكـون الارقـاب=
شيخٍ ولـد شيـخٍ علومـه سمينـه
ندعيله الرحمن يفتـح لـه ابـواب=
جنـات عـدنٍ ماتوصـف بزيـنـه
ندعيـك الا يالله ياخـيـر وهــاب=
تغفـر لعبـدك دام الاسـلام دينـه
تغفر ذنوبـه والخطايـا والاسبـاب=
وعليه فـي قبـره تحـل السكينـه
وكلٍ يموت اليا قضى العمر بكتـاب=
والمـوت حـق وكلنـا مقتفيـنـه
لاشك لاوقف علـى روس الاهـداب=
طيفه وشفتـه بالعيـون الحزينـه
قلت آه غاب النور دام القمر غـاب=
ولكل(شمر) مـوت فـارس غبينـه
[/poem]
[/ALIGN][/CELL][/TABLE1][/ALIGN]