الله على اللي كنت أحبه وأهواه ... راح وتركني حايرٍ في ظنوني
بين الرسايل والصور عشت ذكراه ... ذكرى أليمه سبّبت لي جنوني
حاولت أدوّر له عذر يدمح اخطاه ... عل وعسى عذرٍ يهوّن طعوني
طال الجفا .. والظاهر انه تعدّاه ... وكيف احتمل .. يا عزّتي ما تهوني
عزّاه يا دنيا المحبّين .. عزّاه ... في عز إخلاصي وحبّي جفوني
يا قلب لا تشتكي من الحزن والآه ... وارجوك لا تسأل عن اللي نسوني
دام الإجابه عن سؤالك ومعناه ... دمعة حزينة تحتضنها جفوني
|