ايه/ أنا اللي عشت بالدنيا غريب
.......................... ماعرفت اللي أبي وسط الزحام


يمكن أتغلى ! ولكن ماأغيب
.......................... يمكن أتشرّه ! ولكن بـ أحترام


ماهو أكبر هم" أدور لي حبيب
.......................... والطموح أبعد من حدود الغرام


وإن عشقت" العشق والله مايعيب
.......................... دام لي "مبدأ : وقيمه : وأهتمام


كل من حولي على أفعالي رقيب
.......................... والقرايب همهم بس " المـلام


يحسبوني لاتردى بي : نصيب !!
.......................... برمي أحزاني على "قلوب الأنام


مندفن في وسط صدري" قلب ذيب
.......................... مادفنت الرآس " ياروس النعام


صرت أضم الجرح " بعيوني وأطيب
.......................... وأجمع همومي على صدري وأنام


طبعي أغرب والغريب إني غريب
.......................... ماعرفت اللي أبي وسط الزحام