بالله ودك في شعـوري اجاملـك
والا تبي من جد رائي بصراحـه
غلاك والله ما وصل لـه تأملـك
سجين قلب ولا اقدر اطلق سراحه
غلاك والله من ذرابـة تعاملـك
اللي ملك قلبي وخفـف جراحـه
ناعم كلام ومن نعومـة اناملـك
هد الغلا غيبوبتـه فـي مراحـه
أقبل وشوقه فوق قـدرة تحملـك
مجنون ماهو ضاريٍ له براحـه
ادري قصيدي ياعيونـي ينملـك
وقلبك من النشوة يزيد إنشراحـه
تستاهل اعذب شعر والتاج والملك
في مملكة شعرٍ سقيتـك قراحـه
للآن ودك في شعوري اجاملـك
شاور خفوقك ثم عطني اقتراحـه
|