10-09-2012, 08:02 AM
|
#1
|
|
عضو
|
بيانات اضافيه [
+
]
|
|
رقم العضوية : 19754
|
|
تاريخ التسجيل : Apr 2011
|
|
أخر زيارة : 07-25-2015 (06:58 AM)
|
|
المشاركات :
43,708 [
+
] |
|
التقييم : 2092
|
|
معرض الوسام
|
|
|
لوني المفضل : Cadetblue
|
|
هبــوط اضطــراري !
ياللي من غيابك بدا يضعف النور !
............... وبدا عليّه من غيابك .. مواري !
:
أنا أدري إنك لو تغيّبت .. معذور !
............... وإني بعد معذور لو غبت.. داري !
وان كنت من غربة لياليك ممرور !
............... انا بعد فرقاك .. للمرّ .. ضاري !
:
وحقك علي إن كان خاطرك مكسور
............... ولي حق تجبر خاطري وإنكساري !
:
لا تنتظر غيرك يولّع لك النور!
............... وأنت الحكيم .. الفاهم الإستشاري !
:
ياللي من شعورك أجي وآخذ شعور
............... اليوم جيتك! والهبوط اضطراري !
:
ماللزعل داعي .. ولا للعتب دور !
............... ولا للمفارق يامنى الروح طاري!
:
مادآمني بالحب مبلي ومجبور !
............... ومثلك معي بالحب مبلي جباري !
:
ومادام لاتقنع وأنا ماأسمع الشور !
............... والحب لا بيدك .. ولا بـ إختياري !
:
والآدمي .. عبدٍ مسيّر .. ومآمور !
............... واللي مقدّر .. لو يداريه .. جاري !
:
مافيه داعي .. نلحق شهورنا أشهور !
............... مادمت شاريني وأنا جيت شاري!
:
اسمع كلامي وأنتبه له ومشكور !
............... وخلك بفهمك ياحبيبي حضاري
:
الحب قصرٍ والوصل حوله .. السور
............... والهجر يودع قصر الأحباب عاري!
:
والبعد بيتٍ هاجرينه ومهجور
............... تذري عليه من الهبايب ذواري !
:
والعشق كنزٍ مختفي بي ومستور
............... عن غيرك .. ودونه سباع وضواري !
:
والشوق بحرٍ عن سواك أنت محظور
............... مايقربه ياكود شخص انتحاري !
:
وغلاك روضٍ كل الأوقات .. ممطور
............... ديميّته .. تحيي جميع الصحاري!
:
وهمسك حديثٍ عذب والسمع جمهور!
............... والليل ساري والهوى فيك ساري !
:
وقلبٍ معك مبلي إبـ بلواه مسرور
............... ياكثر ماتطري عليه الطواري !
:
إلا غيابك .. ! ماطرى له بدستور!
............... ياللي غيابك .. له عليّه مواري !
|
|
|
[ALIGN=CENTER][TABLETEXT="width:70%;background-color:white;"][CELL="filter:;"][ALIGN=center]
الغنـــــــــــــد
[/ALIGN][/CELL][/TABLETEXT][/ALIGN]
|