منتديات بعد حيي - عرض مشاركة واحدة

معرض الوسام · 10-13-2012, 06:47 AM

يامعلـم الغاويـن طـرد الملـذات
انا هنا غـاوي ومسـرف فغيـي

اوقف بصف الذات واحارب الذات
واقمع اثير الضي والضي الضيـي

واخلق من جنون القصايد طروحات
تكشف مدى جهلي وتكشف رقيـي

وانسج من خيوط المسافه مسافـات
واقول للحزن الوفـي يـا خويـي

علاقتـي ويـاك غيـر العلاقـات
نتشابه بمضمـون شيـك وشيـي

واخر حكايات الهوى يا حكايـات
طويتها فـي عتمـة الليـل طيـي

وعلقتها على جـدار الطموحـات
وزيي بكتها دمعـة اليـاس زيـيي

هي تدري ان اللي مضى ماهو بآت
وانا ادري ان اللي معيـي معيـي

فياللي سقيت الورد زخات زخـات
انا هنـا عطشـان والمـي ميـي

ادور لوصلك فـرص واحتمـالات
وانته بميسم هجـرك تزيـد كيـي

بعدك يا كيف اعيش والعمرلحظات
والصبر يتناقص وجرحي سميـي

الله يبيحك يـا طريـق المتاهـات
والله يديـم الحـب والله يحـيـي

علمتني كيـف ابتسـم للمعانـات
وكيف اتفجر عشق واكتـم دويـي

والموت مره بس انا اموت مـرات
فعيونـك الثنتيـن يابعـد حـيـي