منتديات بعد حيي - عرض مشاركة واحدة

معرض الوسام · 10-18-2012, 09:54 AM

العيـد قـرّب وانـت يـا زيــن مطـلـوب
وان عـودت للصـدق مـا انتـه مـعـذّر

محبوب لا ينسـى مـع العيـد محبـوب
قـلـبــه وفــكــره دون خــلــه تــكــدّر

ان كان حبك يا اريش العيـن مكتـوب
فـنـا رضـيـت بـكـل شـــي(ن) مـقــدّر

عن الجفـا والصـد يـا صاحبـي تـوب
وارحـم فـواد(ن) فـي غـرامـك تـخـدّر

لا زاد يـهـنـالــه ولا ذاق مــشـــروب
والحـال بعـدك يـا هـوى الـبـال حــدّر

اليا ضحك كنـه مـع النـاس مغصـوب
قلـبـه مـعـك يـــا زيـــن ورّد وصـــدّر

فـي حبكـم مـا نلبـس الثـوب مقلـوب
لـكــن عـلــيّ الـلـيـل طـــوّل وغــــدّر

لي صاحب(ن) كل الحلا فيه مصبوب
ومــن الـحـلا كـنـه غــزال(ن) تـحـذّر

فـي مجلسـه كـن الحـلا حولـه يـذوب
واليا رحـل عـن مجلسـه يشبـع الـذّر

واليا هرج هرجـه خبيتـي ومسحـوب
كـنـه عـلــى كـــل الـحــروف يـتـبـذّر

ما دام في حبه غـدى القلـب مسلـوب
مـانــي بـــوالله عـــاذره لـــو تــعــذّر