منتديات بعد حيي - عرض مشاركة واحدة - غدا السعودية في مواجهة ميسي (تحليل صرخة قلم)

معرض الوسام · 11-16-2012, 04:22 AM

اقتباس:

العايش في خيال العضو تخيلتك تناديني
أنا لا أحب أن أرد بكل قسوة ولكن من يدخل البحر فليتحمل ما يجده من طوفان
رغم علمي بأن هناك من تطقطق أصابعه لـ حذف أو إقفال الموضوع

إنت ليش تحسسني إنك دائماً إنت الضحيه و إنت الوحيد اللي يقفلون مواضيعك الإداره و إنت الوحيد اللي يحذفون ردودك ؟!!
ترى وضعك غير صحيح و انا أخوك و الإداره ما تقفل موضوع إلا لسبب معين و مواضيعك اللي تكتبها آسف جداً أقولها لك و بالفم المليان مواضيع غير لائقه وزائده عن حاجة القسم ..

اقتباس:

إذا كان كلمتين ومستهلك وتجي وترد فماذا تكون أنت ؟؟؟
أكيد عضو مستهلك

إن كنت أنا عضو مستهلك كما تقول فأنا اللي إستهلكت نفسي وهذا شيء طبيعي ولكن الكلمتين المستهلكه اللي إنت كاتبها إستهلكت من قبل الأطفال في البلاك بيري مع إحترامي للجميع ..

اقتباس:

والله إنك تفتأ تغرد خارج الموضوع
تحليل لـ مواجهة مسي والتشكيلة واضحة والعنوان واضح السعودية في مواجهة مسي
والموضوع بعضه فوق بعض لا يخرج عن وضع الكرة السعودية السيئ مركزها

الموضوع عن ميسي و المنتخب السعودي ما أختلفنا يا ابوي بس هل في الموضوع تحليل شخصي لك ؟! و هل إنت تعتبر السخريه تحليل شخصي ؟!!
و إن أقرينا بإن الكلمتين اللي كتبتها تحليل فكان من الأفضل إن تكتب تحليل ساخر من صرخة قلم و ليس تحليل شخصي يا بطل ..

اقتباس:

بل هو قمة التعصب رغم أنني أوضحت لك مرارا وتكرارا أن الموضوع ليس إلا ساخر وهذا يثبته رد الأخت الفاضلة مستحيلة
ولكن هيهات هيهات أن تكون ممن يقرؤون فيعقلون

يا رجل إيش علاقة التعصب بنقد موضوعك و طريقته ؟!!! هل أنا جبت طاري الأنديه عشان تقول تعصب و ما تعصب ؟!! والا أي شخص ينتقد مواضيعك تسميه متعصب و تحطه بقائمة الأعداء ؟!!
أسمح لي أقولك إنت تعاني من أزمة وعي و أتمنى أن تبحث لك عن علاج أو تغير طريقة نهجك و أفكارك وياليت توزن الأمور ولا تخلطها ببعض .. كاتب كلمتين مستهلكه ويقول يقرؤن ويعقلون ؟!! أكتب شيء زي الناس و كلام مرتب عشان نقرأ ونعقل .. لو أجيب لك مقال كاتبه شخص مجنون بتفهمه ؟!!!

اقتباس:

هذه الجملة أنت تسمع بها وتكتبها ولكن لا تفقه معناها

ههههههههههههههههههههههههههههههههه
النقـاش معك متعب و يبدو إني جالس أنفخ في قربه مشقوقه و إنت مستحيل تفهم و مو أنا اللي أكتب شيء ما أفهمه و كل حرف أكتبه أعي تماماً ماذا يعني ولي من وراه ألف قصد و له ألف تفسير ومعنى لكن إنت تفهم ؟

اقتباس:

أولا الكرة كلها على بعضها لا تعني لي مثقال ذرة حتى أعطيها من وقتي الثمين
وإنما أكتب من باب الطقطقة وفلة حجاج

ما أعتقد إن وقتك ثمين و انا أخوك لإن اللي وقته ثمين ما يضيعه في نقل هالسخافات اللي ما تفيد المتلقي بإي شيء ..
و أتمنى إنك في المره الجايه تكتب شيء يرتقي لذائقة المتلقي ولا تكتب من باب الطقطقه وفلة الحجاج لإن القسم محترم باللي فيه وما أعتقد إن هالقسم من أجل السخريه و الطقطقه يا طويل العمر ..

اقتباس:

لأنني لو تكلمت بجدية لن تفقه ما أقول فأنت لم تفقه هذه الكلمات الساخرة فكيف بـ الجدية

كل إناء بما فيه ينضح و أنا ما أفهم كلمات السخريه لإنها لا تليق بي ..

اقتباس:

انظر كيف تكلم من تكلم بـ موضوع الهلال /بشار
اقرأ بعض تعليقات الأعضاء المخزية التي أقل ما يـُقال عنها ألفاظ تائهة ولا يحتاج أن أذكر اسماءهم

إنت إلى الان تتكلم عن موضوع بشار و الهلال ؟!! كنت متوقع إنك ندمت لإنك نزلت هالموضوع اللي ما أدري وش الهدف منه ؟؟ هل هو سياسي أو رياضي أو إجتماعي ! الله أعلم ..
تعليقات الأعضاء بالعكس ماكانت مخزيه بل ردودك هي اللي كانت مخزيه ومانبي نرجع نقلب صفحات ذلك الموضوع وردودك العقلانيه ..

اقتباس:

ثانيا
بالنسبة لـ مسألة أتكلم بـ جدية بـ كرة فأنا لا تعني لي الكرة شيئا ً يذكر

الأفضل أنك تبتعد عن الكره طالما إنها ما تعني لك شيء يذكر وترى من تكلم بغير فنه أتى بالعجايب ..

اقتباس:

أنا مابي أتكلم بالموضوع لأن الشق أكبر من الرقعة
(الطاسة ضايعة)

الطاسه ضايعه من زمان و بالتأكيد إن الطاسه مارح نلقاها بمساعدة من هم على شاكلتك ..

اقتباس:

أي تركيز وأنا أقول السعودية في مواجهة مسي وتقول أنني اسمع بـ التحليل ؟؟؟؟ أحلل السعودية والارجنتين !!!!
الموضوع السعودية × مسي
وليس السعودية × الارجنتين
ما رأيناه كان عكسه تماما ً

ايه حلل السعوديه و الأرجنتين وين المشكله ؟ والا ما تملك العقل و الفكر القادر على تحليل المباراة ؟
ياخي انت مالك ومال الرياضه خلك بعيد أحسن نصيحه لك و الله لا تحرج نفسك أكثر من كذا ..

اقتباس:

المسألة ليست بـ كاتب المقال بل بالمتقلي أمثالك أساسا الكرة كلها ما فيها فايدة فأين الفائدة في مقال عن ما لا فائدتة به ؟؟؟؟

أولاً هي المتلقي و ليس المتقلي .. طيب يا اخي طالما مافيها فايده ليش تتكلم عنها ؟ وليه تكتب موضوعك المُخجل هذا طالما إنك على يقين بإن الكره مالها فايده ؟!!!
هذا مثل اللي يبيع في سوق الخضره و يقول السوق مامنه فايده ..!! عجبي ..