منتديات بعد حيي - عرض مشاركة واحدة

معرض الوسام · 11-20-2012, 12:57 PM

[poem=font=",6,orange,bold,normal" bkcolor="black" bkimage="" border="double,5,royalblue" type=2 line=0 align=center use=ex num="0,black""]
كان ابن غسلان عانى بالحياة ولاح شيبه=قبل يربح معركة دنياه في فترة شبابه
شيبة اللي شال حملي يافهد ماهي غريبه=الغريبه شيبة اللي حاش كنز ماشقى به
ماشكى غبن الليالي لين صاح وشق جيبه=لارجى فزعة قريب عند حساده هزى به
لا تضايق في منامه وسط واشنطن طبيبه=وبالوظيفه قبل تقلع رحلته تم انتدابه
بالوزارات الكبيره للعرب يضمن حقيبه=وساعة الترشيح يضمن منصبه قبل انتخابه
له عمود بالجرايد يمتدح للناس طيبه=مع جماهير تصفق لابدى يلقي خطابه
مايهاب من العساكر رايد القوم ونقيبه=ولابغى الحاجه خذاها دون خوف ولارقابه
هيبتة المذكور زادت بالعرب هيبة نسيبه=وهيبة اللي شال كرت وقعه حضرة جنابه
السيوف البيض تخشى بالوغى سطوة عسيبه=والسباع اللي تخافق بالخلا تخشى كلابه
والا انا بالعمر اسدد عن غلط غيري ضريبه=صرت عن راع الردى الواضح وكيل بالنيابه
ان بدت مني خطيه بالعرب صارت مصيبه=واصدرت بعض المحاكم ضدنا صك استتابه
وان فعلت الطيب الابلج والفخر محدٍن دري به=وفي هروج اهل المجالس كلها محدن حكى به
ودام بعيال القبايل والعرب ناس لبيبه =يشهد الله ماحسبت لساقط القيمه حسابه
لو وطاني في حياتي ماوطى سرحان ذيبه=مهرفن يشكي لهيب الجوع في عالي هضابه
لا مضت ساعات ليله جايع تسمع قنيبه=صار مايفرس ثنادي صيدته لو طال نابه
خوف بارود قفوشه له طواعين رهيبه=يسمع لغومه تقادح بالخطر قبل اقترابه
وخابرن نقص الدراهم للعرب مابه معيبه=دام رزق الله لخلقه لا جهود ولانهابه
كاتبه رب الخلايق للملا في لوح غيبه=لاتراجي غير رزق خطه الله في كتابه
ولايرد ارزاق ربي عسكر القوم ورقيبه=دام راس العبد عايش ضامن ربي زهابه
عشت في زهرة شبابي ناقل فوقي كتيبه=شايل حملي لحالي لا رفيق ولاقرابه
وكان ريضان السعاده والفرح ماهي قريبه=القريب من الفياض الخضر قلبي مارضى به
لو نبيع بعملة الكذب الهزيل ونشتري به=اشتريت قصور كسرى الفارسيه مع قبابه
فيه ذل وفيه ظلم وفيه بوق وفيه ريبه=سكة اللي مايخاف الله ولا يخشى عذابه
وراح اسوق ركاب عمري مع طواريق تعيبه=في وقوت مابجنبي لا حقوق ولا نقابه
اتصبر واحمد اللي يرحم العبد ويثيبه=ولاجعل لاهل الحسد والحقد دعوه مستجابه
ومن بلاني بالخديعه والردى ربي حسيبه=في نهار مايفيد العبد كذب ولا عوابه
يوم جبت اللي عزومه بالشدايد ماتجيبه=وارتقيت جبال مجد راح عمره مارقى به
وكان شدات الليالي والقدر صارت صعيبه=واصبحت قلبان دربي بالظمى مرٍ شرابه
يشهد الله ماتركت اللي وقع ساقه عطيبه=وقبل يشكي عند بابي نسبقه لحدود بابه
ولا شكاني جار بيتي ضايق من نشر عيبه=ساتر عورات جار البيت لو تجدع ثيابه
ولاتركت اللي ينادي والعرب تسمع نحيبه=ومن يغيب عن المحارم بالندى نستر غيابه
ان لفانا الرزق يضمن جارنا القاصي نصيبه=وان لفى للبيت يسمع عندنا قولة هلا به
لو مفازيع المراجل والندى ماهي غصيبه=بس طبعي لا لقى المكسور مايقوى اجتنابه
مع دروب اهل المراجل والتقاليد العريبه=مايضيع الساري اللي في دجى الظلما سرى به
ماخدعني عن طبوعي زول منسوع الذويبه=ولاغديت عن الطريق العدل لو يكثر ضبابه
طبع قوم بالمراجل والندى يجري شعيبه=بين اجأ وركون سلمى لابة ياحي لابه
بالندى كل القبايل والعرب تارد قليبه=وبالوغى كل القبايل ساعة الهيجا تهابه
علمها بالطيب عدى مشرق الشمس ومغيبه=مايخيب اللي زبنها كان بعض القوم خابه
دار حاتم من لجى به بالعرب ماشق جيبه=واصغر اللي في سفوحه لاسعى للمجد جابه
له عزوم كالحزوم بخافق النفس الرحيبه=وان بدت نار القيوض الهوج مايتلي سرابه
نظرته تفرق صفاوة دلة الكيف وسريبه=وتفتل حبال الشدايد والقسى عند اكترابه
لابتي ياراحة اللي بالشدايد يعتزي به=منوة اللي عاب حيله يوم شاف القوم عابه
له مقام وله رجال وظلع مجد ونار هيبه=ولو يغاب السبع تلقى في عرينه سبع غابه
تحتمل نار المصايب بس ماترضى الغليبه=لا سطى رمح الغليبه في معاليقك عثى به
مجدها اللامع مع اللي تعطي العلم وتجيبه =وترتعي ريضان عز غيرها محدن رعى به
مالنا بأهل المهونه غرسة يومي عسيبه=ولا لنا بأهل الجرايم لا عروق ولانسابه
نجمع احداث الجزيره والتواريخ العجيبه=ولا نجامل بالحقايق خفرة يلمع خضابه
نهجنا نهج الصحابه في ربى يثرب وطيبه=ولانطاوع كل هرج صاحب الفتنه هذى به
رافض دين الخوارج والفتن والقتل خيبه=ومذهب التكفير دار بالجهل ينعق غرابه
اشهد ان فياض شرعه للملا ماهي رحيبه =لا نفاق ولا ضلال ولا هبال ولاكئآبه
لعبة التكفير ياما وياما دق بالماضي صليبه=تبترم وسط الجزيره كنها تعزف ربابه
اصبحت عذر على اللي يشتهي ذبحة قريبه=ولا يلاقي عقب ذبحه لا خصيم ولاطلابه
دار من تسهر عيونه بالدجى مثل الرقيبه=يرتجي براق خير بالسماء يقدح سحابه
لاجل هطال المزون البارقه يسقي كثيبه =ولا رجى اللي ينهش جلود الملا نهش الذيابه
من لجى له بالمعوزه والقسى يلحى قضيبه=وقام يبرد له سكاكين الردى عند اقترابه
فكري اللي لاتضايق من هواجيس تصيبه=صغت قيفان تداوي نار هوجاس لجى به
لاغدت خيل البيوت الوافيه يلفح سبيبه=خيلنا صارت نجوم بالدجى يوضي شهابه
لي مع القيفان حلف له طواريق عجيبه=ورث شيبان قصيده بالملا مابه غرابه
راضع شطر القصيد وشاربن صافي حليبه=وزدت فيه من البدايع واكتمل عندي نصابه
لادفعت خيول قافي في مرابيع خصيبه=ضامري يسري بليل بالملا محدن سرى به
هي علاج اللي حموله تحرق الروح وتذيبه=مع طريق الشايب اللي فاتحٍ للناس بابه
من هروج ماتخلي خصمها لو لاح شيبه=خلت الراوي بتالي عيشته قايد عصابه
يكرهون اللي لغيره بالظما يفجر شعيبه=وان وقع يشكي غوايل عيشته محدن درى به
وصرت اراعي لايغرن بالدسم راع الرويبه=عن جحور مايعيش اللي يذوق سموم دابه
قالها اللي بالدروب العوج مايهفي نصيبه=لاجل ناس بالخباثه خلته يفقد صوابه
والتحيه ياديار بالدجى يقرى خطيبه=ياسيوف للشريعه بالوغى عزت كتابه
[/poem]