[
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

.
.
.
..

.
.
الأماكن هِيَّ هِي ْ

والملامح ماهِيْ هِيْ

وإلا آنا فيني شَيْ

كل شي فيها تغيَّر

غير حزني هُوَّ هُوْ

والحنين اللي سكنها

فتَّقْ جراحي عَليّ

كل ماجيته أحنّ


أذكر أيام أول ..

آه يازين أول..

وآه ياطاري الرحيل

ياهو دايم...
لي يتِجَدَّد...

كل مارحت لهناك

واتساءل

كيف رحتوا

ماسألتوا عن بنيّة

كم عانت..

من الفراق والدموع والأسيَّه..

والظلام اللي بمحيطه

يصبح أعمى من يعيشه..

قاست الدنيا بمرارة

وانتوا أدرى بس رحلتوا ماسألتوا..


والبنيّه صارت حرمه

وعندها بيت وحموله..

بس باقي تشتهيكم

تشتهي جمعات أول ياحلاته..

آه يازين أول ..

لويعوِّد...

لويعوّد بس شويَّ
....
كنّا نلعب كنّا نجري

كانت الضحكة ماتفارق هالمحيَّا..

والحزاوي مع جدِّي أحلى جمعه

أحلى لمَّه آه يازين أول ...

والفطور اللي تعده جَدَّهْ نورة..

وش حلاته ...

والغداء حنيني معرَّق ..

والعشاء تالي غدانا ...

بيت ابوي وعمِّي محسن وعمِّي راشد..

وعمَّه حسنا..وجواهر ولطيفه

كل أبونا ابيت جَدِّي نجتمع دايم هناك ....

كل ربوع وكل خميس وكل جمعه..

وكل عطلة ...

آه يازين أول ...

لو يعوّد..

لو يعوّد بس شويَّ...

والمقالب آه ياكثرالمقالب ..

وش أقول وش أخلي ..

البنات كل ابوهم ضد ناصر مايبونه ..

وهو بس يركض ورانا ويتحذَّفْ بالحصاوي ..

يعني إنَّي ...

واحنا نركض مانبيه ..

نشكي فعوله لخيّه...

خيَّه محمد هو عضيده ...

ويقرص إذنه انت تتوب..

واحنا نناظر وانتشمت كل ابونا بس عليه...

وهو يبكي ويتوعَّد بس يخلِّص خيَّه منَّهْ

كلَّه كوم وقصة نايف مع عزيز..

وثوب جدي يلبسونه وفي فراشه يرقدون..

آه يازين أول ..

بالمقالب بالشقاوة والشطانه..

بكل شي....

شي يِذْكَر وشي لايمكن اقوله...

آه ماأحلى الطفولة ..

لو تعوِّد ..

لو تعوِّد بس شويَّ

...
بقلم انفاس الرحيل

[/ALIGN][/CELL][/TABLE1][/ALIGN]