[align=center][table1="width:95%;background-color:gray;"][cell="filter:;"][align=center]

مدخلْ ..}

تنبت مواجعنا على محجر العين ,,
أبكي ويبكي داخلي شوق عريان ..
وتطيح دمعه كنها أوراق تشرين ,,
تنقش ملامحها على خدّ الأزمان ..
تجي نخبي حلمنا بين ضلعين ,,
ونكفّن الذكرى وسط حرف ذبلآن .

أشعل فتايل غُربتي وانطر سهيل ,,
وأجمع دعاوي حيرتي بـ استخاره ..
ياللي تبي الفرقا على هدّت الحيل ,,
شب الضلوع اللي لك اليوم جاره ..
ادري محاجرنا غرق وامطرت سيل ,,
ادري نهاية ضحكنا بـ انتحاره ..
أمشي على درب الجفا دون تأجيل ,,
واحفظ مشاعر حبنا في وقاره ..
وألبس من ثياب السهر واغرّي الليل ,,
وأثمّل على ريح العطر وانتشاره ..
ويجر صوت الحزن فيني مواويل ,,
أكبر وتكبر دمعتي بـ اختياره ..
ياللي تواعد ضيقتي وانتفض ويل ,,
يكفيك من شطّ المحاجر مراره ..

مخرج..}

نكبّح مشاعر مهدها كان قلبين ,,
ياللي تبينا نغرق ببحر نسيان ..
بضمّد جروحٍ تنامت من سنين ,,
وأسجّ عن ذكر المواجع والأحزان ..
ياللي تنادي للهوى (آخره دين) ,,
يكفي الليالي تصفعك كف حرمان ..

[/align][/cell][/table1][/align]