_

ياذا البحر لي مدة غايب عنك

واليوم جيتك في غرورك منافسك

ماجيت شاكي الهم.. والحزن.. والضنك

ودموع عيني والمشاعر تلامسك

لا.. جيت ابلعب فيك.. واحفرك.. وادفنك

وأصيرلك سورك.. وبابك.. وحارسك

أو استشفك في خيالي وألونك

وأداعب أمواجك.. وأضمك.. وأعاكسك

عندي من ألوان المشاعر (كذا بنك)

حاولت أمارسهاعلى شان أمارسك

وأعطيك.. وآخذ منك.. والقلب مسكنك

ما دمت لك.. حلمك.. وعلمك.. وفارسك

مير الليالي بينت كيف معدنك

اللي سترته تحت زاهي ملابسك . .!

غدرك مثل.. وشلون تبغاني آمنك

وأنا الذي قبل أعرف العلم دارسك

عن سيئك.. ياما تغاضيت لأحسنك

حالي قوامك مع جراءة نواعسك

مغرور.. تحسب ماخلق فوقها منك

وأني بكفك واحد من محابسك

شفني كثر ما أحاول بصدري أحضنك

ألقاك عني منشغل في نوارسك

خلك لها.. وآنانويت السفر عنك

حتى يصير ختامها بيننا مسك