[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]


يسعد صباحكم احبتي











ابي تسمعني للآخر ولابي اسمع لـ عذرك
تغافلني باحساسك وأنا لك أفعى مغدورة !

ابنفث لك بعض سمّك, فحيحٍ سبته غدرك
رثيت الصدق في نبضك جروحٍ منك مأجورة

تبي اهجر تفاصيلك؟ واعيش بدائرة هجرك
تبي انسى و كيف انسى! يد النسيان مبتورة

تخيل :كنت لك طفلة , خذاني مدّك وجزرك
تخيل تغرق الطفلة ! تموت بـ همّ مقهورة !

تخيل طفلةٍ تسهر تبي تلمح ضيا فجرك
على كف السهر شابت بليلٍ ماظهر نوره

تذكَر كنت ازيّن لك قصايد تحفل بذكرك !
سرى بعروقها غدرك .. لحونَ الجرح مدثورة

نخيت العوج بضلوعك تلم الروح في صدرك
لفحني بردها القاسي نفض حسّي من جذوره

تعال وشوف بعيونك صور متبروزه مكرك !
تعال وشوف تلوينك , عَوَر فـعيون هالصورة

عصافيرك+مراجيحك +تناهيدي على خبرك
تعيشك في تفاصيلي (بقايا ديرة مهجورة)

ابي تلمح هنا قدرك تشوّه من لسع جمرك
ابي تسمع بــ إذن قلبك بكا خيبات مجرورة

نسيم الصبح لو يحمل بقايا من عطر زهرك
نقش بآخر رواياتي: قصيدة حُب مكسورة




[/ALIGN][/CELL][/TABLE1][/ALIGN]