|
【لا آنا عيسى ولا إنتي مريم العذرا】
لو ما أبي القُرب ماقصّيت لك جرا
العمر ياخذ كثير أشياء ما يعطي
يا سارقه القلب وقت النوم والمسرا
لو كان مابه حرامي نلغي الشرطي
الليل فاقد وجود الليل والقمرا
جيب القمر ياحبيب الروح لا يبطي
يإللي قريت القصايد ليش ماتقرا
إحساسي إللي كتبته وصار هو خطي
نزعل ! طبيعي لأنه قلوبنا خضرا
لكن نفكّر قبل لا جرحنا يسطي
كيفك إزعَل بس موكيفك تغيب
ولا تطوّل بـ الزّعَل إلاّ ثواني
أجرحِك وأرجَع بـ لحظتها الطبيب
مايداوي الجرح أي إنسان ثاني
لو تروح بـ داخلك أبقى القريب
باخذك كلّي معاي ومامداني
أوعدِك ما أجرحك بس اللبيب
يفهم إنّي ما أكرّرها وأعاني
غصب عنْك تحبّني ماهو بـ طيب
ما أبي أقول لك خلّك مُكاني
حبّني لو كان بي مليوون عيب
وإقلب الدنيا ومافيها عشاني
وإن جرحتك ياحبيبي لاتغيب
حتى جرحي له طعم ويّاك ثاني
إيييييه أناني فيك يـ أْكثر من حبيب
ومن لسانك صرت أحب كلمة أناني
جرح الحبايب يروح العمر ما يبرا
من أجل هذا السبب خل ناخذ ونعطي
مثل البحر كنت وأدري غلطتي قشرا
إرتاحي من قوّة الأمواج في شطي
فْراقنا عن بعضنا قمة الحسرا
وإن شفنا أي عيب فينا لازم نغطي
ألوان هذي الليالي ماهي بس حمرا
أرتاح لي يوم ويوم بـ يرتفع ضغطي
لا آنا عيسى ولا إنتي مريم العذرا
ما أبي أطوّل عليك ثنينا نخطي
لـــ المبـدع أحــمــد الـصــآنــع
مـن متـصـفـحـي هـآذآ المســآء
لـــ قلوبكم 
|