منتديات بعد حيي - عرض مشاركة واحدة

03-04-2013, 09:36 AM

خليت لــك ( كل الأماكـــن ) وقفّيت
تقــــدر تعــــــدّا بالقـــدم بـــاب دارك

ساعة لمحت اسمي قبالك .. وصديت
كنت (اشتغل) ماكنت انا بانتظارك !

ماكنت اعرف بجيّتـك يوم لي جيت
لكن مكاني لــين رحـــت يتبــــارك

صدّة شموخ وكبريا .. بـــــس ياليت
قِدْرَت تداري علّتك .. وانكســــارك

عندي سؤال وجاوبــه (لوّ حبيت ) :
تقدر تعوّض في يمينك .. يسارك ؟

ماطاب جرحك .. لونِكرت وتعاليت
مافيك قوّه تدفعك .. لانتصـــــارك !

(مريض فيني ) لوسعيت وتــداويت
أنا .. وفكرك .. والخفوق انتشارك !

مافيك تنساني لـــو انــك تناســــــيت
ومافيني اذكر / وردتك / واعتذارك !

مريت قدامـــي .. وقفت .. وتعدّيـت
صحيح (قاســــي) بس يبقى قرارك !

ومرّ الزمن .. بعدك .. على ماتمنيت
كنّ السعاده جاتنــــي باختيــــارك !!