يــاخـــوي خــذنــي لك رفيــق لــدنــيـاك
عــــــز الـــرفــيـق اللي بدربك يخاويك
كـــــل مـا نـديـــتـه قـــال أبـــشـر لعيناك
صـــاحبـــك فــي الـشـدة أبد ما يخليك
إن كــــثـــرت هـمومك وأسردت شكواك
تـــشــوفــنــي جـنبك عضيدك واداريك
ولـو ضــاق صدرك وهلت دموع عيناك
أجــفــف دمـــوعــك وأســامـرك وأسليك
وإذا انــطفت شمعات الفرح في محياك
خــــذنـــي معــــك شمـــعـة تنـور لياليك
ولــو الـــزمن قــرر بــيــوم يــتــحداك
إقــبــل تــحـديه وضمـني في تحديك
وأبـــيــــك تــاخـذني معك سيف بيمناك
وتـــرس مـــرصـــع تـــحمله في اياديك
مــاهـي قصيدة لجل أدور على رضاك
هــذه حــــقــــيــقـــة مـن يــحبك ويغليك
مــانـــي أجــــامـــل لا والـذي سـواك
مـــن زود حبــي لك قــلــت الشعـر فيك
ياخـــوي والله اني أحـــبــك وأرعـاك
وبــأغـــلـــى مــا عــندي بهالكون أفديك
تـــرتـــاح اذنــي يــوم تسمع بطرواك
ويـــــرقــــص خــفــوقي كل مامر طاريك
أنـــا مــعــك في الرخى والشدة وياك
أحـــب اللـي يــحـبـك وأعادي من يعاديك
،

انتقاء متواضع بمناسبة لقانا أنا و اخويا
بعد غياب طال كثير
،

راااقت لي حيييل
أتمنـآ تروق لكم أحبتي
،