تحلى ايامك ياقموره انتي
من عنوني ياعسل ، عوآفي على
دي الطله الحيلوآ زيك غلاي
ربي يسعدك ولا يحرمني منك ومن حضورك ،


طريقة حلى موس الجالكسي
طبعاً الطريقه الاساسيه هادي
كيك لوزين شوكولاته يتفتفت بـــ قاع القوالب وتضغطي عليه
بالخلاط ( نصف ظرف دريم ويب + ظرف كريم كراميل + كاس مويا + نصف
كاس حليب نيدو + 3 ملاعق هيرشي بودره + 3 حبات جالكسي + ملعقه كاسترد )
اخلطيهم سوا بعدين حوطيه على النار حتى يثقل بس حركي بااستمرار بعدين
حوطيه على القوالب ، وزينيه بــ حلاوة رافيلو او فيريرو روشيه وحطيه بالثلاجه حتى يتماسك ،

وهاداتحريفي انا *_^
استخدمت بدال كيك لوزين ( كيك باوند بالشوكولاته )
وحطيت ملعقتين كاسترد وحطيت شوكولاته بس مو هيرشي نوع تاني
والدريم ويب حطيت واحد كامل مو نصف وحطيت اتنين كريم كراميل
بدال واحد ، بس الشوكولاته البودره تختلف من نوع لاخر بعضها غامقه
وبعضها فاتحه بس انتي حطي وشوفي درجة اللون اللي تحوبي ،
أتمنـآ وضحت لك ياقمر ،