منتديات بعد حيي - عرض مشاركة واحدة

معرض الوسام · 07-01-2013, 03:47 AM

لو حصل فرصة ..

تمرّ

وتأخذ اللي لك بقلبي ..

ولا على قلبك أمر !

...

لك على رفّه حنينٍ ..

بارد وسطحه جفاف

ولك غلا محفوظ ما بين العُروق ..

وبين ثنيات الشغاف

...

و لك برُكنه

عطْر .. وأشواق .. وصور

أجمل اللي قد رأت عيني صور !

بس .. مكتوب بقفاها " ذكريات " !!

وكان لك بادنى غُصونه ..

حبّ غالي ..

ضاع ما بين المعاتب والشتات !

كنت أول من سكن داخل / جداره ..

باع كل انسان غيرك ...

وصرت إنت أهله ، وجاره ..

صار دارك ..

و اعتبرك القلب داره !

وصار كل اللي يهمك .. كلّ همه

حزن وأفراح وأغاني وأمنيات !

رِجلك آخر من تخطّت عَتْبِتَه

ومن بعد رجلك قِفَلْتَه ..

وقلت باعلى الصوت :

مات !