منتديات بعد حيي - عرض مشاركة واحدة

معرض الوسام · 10-11-2013, 07:35 PM

لمـي حطامـي فـي يديـك وعطينـي
عذرٍ ينام فعتمتـه ذنـب الأحبـاب

البارحـة .. عانـق غيابـك حنيـنـي
وأشعلت للذكـرى / تفاصيـل غيـاب

البارحة طاحـت مـن أهـداب عينـي
حبايب وذكـرى / عصافيـر وألعـاب

من صدمتي !! مـرت عيونـك تبينـي
أكفّـن طعـون المحبـيـن بأسـبـاب

كيف أنصفك ؟ واللـي تركتيـه فينـي
ظلـم ٍيشـرّع للنهايـات الأبــواب

كم قلت لك : بيـن ارتيابـك وبينـي
حلم ٍ تـوارى فـي متاهاتـك وغـاب

مـدي غيابـك وارحلـي واقنعيـنـي
إن الوفـاء كذبـة محبيـن وأصحـاب

وإني فزحمـة مـا مضـى مـن سنينـي
عجزت لا القى لأصدق احساسي أحباب