رطوبه .

رطوبه ..

رطوبه...

حررر طفشش

خلاص
تعبانه
يؤ
قصدي
تعبان
العجيز .. اقول ياجعل عيني ماتبكيك ورا ماتتمرجل مع الرياجيل
وتغدي ذيب(ن) امعط
نعن ابو فررتك انت طالعن على من؟
انا يوم اني بسنك كنت اقود قطيع من الغنم واقود قبيله مثلك يالرخمه
yay: ماما اش معنا غنم ؟؟ .. اييه قصدك الخروفه
العجيز:اييييييييييييييييه ياويحي تقول خروفه ها
ياحره تسبدي
ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها ..يدور ورا رزقه
انت لو يطب في حظنك (شبث) =عنكبوت انكسر حوضك
yay: ماما يعني بابا كان زي ماوكلى؟
العجيز :نعن ابو حيك الى يسمع سوالفك يقول عمرك ثلاث سنوات وانت ترا جالس تبحر بالعشرين
اقول تقلع من قدامي لا تخليني اتخلى عن انوثتي وارتكب فيك جريمه
ترا مو ماسكني عنك الا صله القرابه .. اه ما قول الا ليتنا رقدنا ذاك الليل
بس الظاهر ابوك كان ماكلن جرجير يومها
yay :خلاص ماما بروح انام
العجيز: نم ياجعل تنام فوق ظهرك تريله .. ربها تقسي عظمك يالرخله
yay:ماما ؟ ليش انتي عدوتي ليش انتي دايم تحاولين تحطمين مشاعري
ليش انا مو دلوعتك يؤ قصدي دلوعك انا مو ضناكي الى تخافين
عليه
العجيز: تصدق احرجتني بكلامك تصدق حمرن خدودي وبجلس ادق راسي اسفا للى سويته فيك
وراك والله ماذقت عقال ابوك وهو على ظهرك
yay: ماما تدرين وش اتمني ..
العجيز: وش تتمني يا هيفا
yay: اتمني بس تشوفين حليمه وتاخذينها قدوتك
العجيز: وش انتي ياحليمه ؟
yay: بنت بولند ياماما ماحزرتيها
العجيز: اقول ليت والله تاخذ اخوك خلف قدوت(ن) لك مع انك اكبر منه بسنه
هذاك والله الى شعر شنبه اكثر من الشعر الى بجسمك كله يالامرط
هذاك والله الى زنده يوقف عليه التيس .. انت لو تلبس ثوب شتوي ثقيل جاك الغظروف
هذاك عزوتي .. وسندي
العجيز: يااي
yay: يس مام
العجيز: وش يس ذا جعل تيس ينطح ذنبك .. يالسفنجه
انت من الى علمك الهرج ذا
قل لبيه يمه سمي يمه
لو طب علينا حرامي وش بتسوي ياروح ماما
yay: بشد شعره وبقوله عيب عليك
العجيز: لاتكفى ارحمه مسكين
وانت تفكر الحرامي مخلي شعره مثلك ياباربي????
الحرامي يجيك في وجهه شطبه سكين اعرض من يدك
yay: يووه لا

ام هزاع