منتديات بعد حيي - عرض مشاركة واحدة

معرض الوسام · 11-04-2013, 02:38 PM

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

( الغريبه للغسلان )
قال الذي صاغ الـبـيـوت الـبــارعه=كالماس فـي عنق الفـتاة الـفـارعه
ربي بريضان الـضـماير زارعـه=نقوة مواريث الجدود الراحلـين
تكشف جروحٍ بالضمايـر ناضحه=بانت مواريها بوجهـي واضحه
اجحد وطعنـات العذارى فاضحه=واللـي بمكنون العرب لازم يـبـيـن
وتركت جلسات الخلايق عايفه =ورقيت مرقاب ركونه نايفه
مااريد هرج اللي عقوله طايفه=اللي تعيدك للورى عدة سنين
ولاجل الرجال اللي طويل باعها =صغت (الغريبه) واضحه لاتباعها
تلقى خزون الشعر في مرباعها=واسمه يطابق شكلها ياسامعين
لاشفت هجس الفكر في ليله هجم=والبال ماضاحك ربوعه وانسجم
نظمت قاف ماتولاه العجم=تنطق حروفه عن لسان الصامتين
بأشعار طي اللي شهيرن قـافها=وداجت طوارف حجرها واحقافها
وتلعن غلايق قافها وسقافها=في حكم نقاد القصيد الفاهميـن
من دور حاتم في نـصـايح زوجته=واشعار زيد الخيـل في عسلوجته
ومذياع ابوتمام وقوة موجتـه=نار علـى قمة جبـال الناظمين
صارت بديوان القبايل نادره=وتصعد وشعار الخلايق حادره
ولا كل شعار القبايل قادره=تنظم بيوت الشعر بالنظم الرصين
في ضامري نبع القصيد ومنجمه=وجملة قواميس القصيد ومعجمه
واللي يبـي رب الخلايق ينجـمه=يضيع لو شاف المبانـي شوف عيـن
حفظت جزل القاف يوم اني طفل=وعزلت حكم الفرض واحكام النفل
لو ماظهر لي امسيه والا حفل=او لقبوني ياامـيـر الـساحتيـن
واغلي فصيح الشعر يوم اني غرير=كعب ومتمم وابن مالك والضرير
والا الفرزدق في سجاله مع جرير =وراع الرصافة في بلاد الرافدين
واشعار جيل اجدادنا الشهم الأبـي=اللي على الطبع الاصيل اليعربي
ونهج الصحابه والسلف عقب النبي=وكون المبرنس قبل كـون التامتين
ونظمت تاريخ القبيله بألف بيت=والديرة اللي في جوانبها ربيت
من إكة الشريا لباشات السبيت=اللي حقوقه مثل حق الوالدين
كنز القوافي في معاليقي كمن=لو كان ماله في مجالسنا ثـمـن
وكل البـضايـع له مكان وله زمـن=مثل المدارس به بنات وبـه بـنـيـن
لا شانت القيفان بجموع العرب=واشتد رمي القاف والحبل اكتـرب
أطلى النفوس الزايده طلي الجرب=وعند الحقايق يظهر العلم اليـقين
ومن يفهم ابواب الادب واسرارها=فـي وقت يسر سنينها واعسارها
يفرق بنـوز القوم عن فكسارها=وبعض القلايع واضحه للعاقلين
لو طال موج القافيه والا عـرض=لي ضامر يكفي ويوفي بالغرض
ويمشي على نفس الطريق المفترض=ويازين قافٍ بالقساوه مايلين
وقبل ابتدي ياصاحبي خلك معي=حتى تصوغ الشعر مثـل الاصمعي
وترى الخطا لا صار ماهو مطبعي =يطيح فيه الآدمي لو هو فـطـيـن
اعراب بيـت الشعر له ســر وعـبر=ولا ترفع المكسور بالوقـت الغـبر
ونوبٍ يجيـك المـبـتـدا مالـه خبـر=لاصار راع الفعل هامور سمين
ومن يعرب وعود الفراغه جازمه=ياسرع ماتلقى زمانه هازمه
نوبٍ شروط الجزم ماهي لازمه=للي يشوفك ماتسـاوي درهمين
واليوم صار الجزم قدام النصب=وشفنا الخديعه والظليمه والغصب
واللي بعصر العولمه يقصب قصب=وعلة شعوب الدار صارت علتين
واحذر ترى النـايب بـخـانـة فاعله=واذا حضر خل الـرجــال وراع لـه
دامه شـرى للـشيـخ والا باع له=او صارت الغلطـه قبالك غلـطـتـين
والصرف والتـشبيه ماله قاعده=واكثـر زواياهـا تـجــــي متـبـاعده
ولايخدعك برق المـــزون الـراعده=وتمشي لبراقه يسار وهـي يميـن
ونوب ترى المجرور يبني له جسر=وتقراه بالـضمـه ولا هـو بـالكسر
من كثـر مدحه بالقصيـد اصبح نسر=ويهابه السرحان وسبـاع الـعرين
وكان الضمـيـر عن المخاليق استتر=خله تحت بيض الطواقــي والغتـر
واترك صفير النـاي وانغام الوتر=وعقب رمضان العـيـد ومن العايدين
ولا تجمع التشديد وحروف العلل=تراك ماتآمن مساقيط الزلل
والنفس والتفكير لاجاها الملل=ماتنفعه وصفة حبوب وبنسلين
واحذر تـرى الـنـيـه يـتـم ادغامها=عند النفوس اللي تشيل انغـامها
وتـرى النوايا ماتـبـيـن ألغامها=وكل الـبـلى باللـي كـلامه بـيــن بـيــن
واصعب دروسه بالحروف المضمره=باللي قواعد جيشها فـي اسمره
تكره جبـل هرمز وتغلي مـرمـره=والزرع مايطلع مدام القاع طـيـن
واعلامنا الموجود يستاهل جـزى=لازم نقيـم لقيمته حفلة عـزى
دامه على درب الفشيله والخزى=وفي حفلته ياخذ دروع الفاشلين
ونشر الجرايد صار للشله فقـط=او شاعر من شعر جيرانه لـقط
ومدح المجله مايشيل اللـي سقط=والرزق لاهل البيـع عنـد المشـتـرين
ياطول مسرى الليل مع راع الفقـر=اللـي على باب العرب يزقر زقـر
دام الذي ينقـر من الكيكه نقـر=ماراح يسمح لـك تـحـطــه كيـكـتـيـن
وبيرق رجال الشعر مع مليونها=لو جيت شلت التبغ من غليونها
وشلعت بطرسها ونابليونها=وشلته بلا قاصر بكل الحاضرين
لكن جـمـاهــيــره تخالف لـجـنــتــه=تــاقــف مع الــلــي كالجواهر وجـنــتــه
وبالسجن تطلع ماتكمل سجـنـتـه=ومـااريــد جـمـهور الـقـصـيـد الـفـارغـيـن
والـلـي عـلـى التصـويـت قاموا ينـتـخـون=تـكـفــون يـانـســل الــعـرب لا تـرتــخــون
والـنــاس فـــي كــثــر الـهـدايــا يـنـذخون=والـمـال مال الـلـي قعـد صـفــر الـيـديـن
كــم شاعــرٍ بـيـطــار بالـلـجـنـه رســــب=والـنـصر تـصـويــت القـبـيـلـه والـنــســب
والا عـلــى كـثر الـحلال الــلــي كــســب=ولأهــل الـقـنـاة الـمدح والـربــح الثـمـيـن
اعلامنا لاهل المناصب والشيوخ=والشاعر اللي في بحر شعره تدوخ
يذكر جلوسه مع عشيره وسط كوخ=ويقصد زمانه قبل خط التابلين
يذكر جروح البطن تنزف في مهل=ومن الغثى داج المواعر والسهل
ومن المحبه ضاع فكره وانذهل=وعيا يجيه النوم يوم وليلتين
مسكين قاعد يشتكي من حالته=وهو في فرنسا ساح مع شغالته
وان داخ كل خطوط لندن شالته=ويذكر سهر ليله وجلساته حزين
مدري لراع الفقر الاقشر وش ترك=اللي من همومه ونيرانه برك
وهو لا ظهر همه لواشنطن فرك=ما راح ليله يجزعه كثر الحنين
وكثر السهر هو شارة الرجل المريض=أو عاشقٍ ليـله مثل لـيـل العضيض
يرجي غزال زان بالجسم الغضيـض=أو جاه من جيـش الليالـي غارتـيـن
والا الذي يسهر علـى عـد الـذهـب=وكيس الفلوس اللـي من العالم نـهـب
وياخوفتي تصبح على قبره لــهــب=وطـيـب العمل والمال عـند الطيـبـيـن
والا الذي يسهر يراقـب حـارته=والا يحاول كشف عـورة جارته
ماغير يبرم بالعرب سيارته =ويصبح بميدان العرب مثـل القرين
يشبه دبابيس تراقب دارنا=وتقرى الجرايد في ظلال جدارنا
لو ما خشينا ضيمنا واكدارنا=مادامنا نتبع دروب الغانمين
وراح ادخل الموضوع ياراع الشنب=للي يبي يسمع وهو فوق الكنب
وماراح اجامل واحدن ذيبه طنب=واللي يخالف نسمعه والعقل زين
الشعر يعرف مـن بداية جيلنا=ويروى لآدم في نصوص انجيلنا
وحــنــا علـى دربه جرى تسجيلنا=وبدايته محدن معه علم يقين
والجاهلـي اقــــدم ينابيع الادب=وبعد النبوه ربعت عقب الـجدب
وطاحوا بني عباس بالسيف الـحدب=تحت المغول وضاع مجد المسلـمـيـن
في قرننا السابع وعند المنتصف=عاصوف فصل الهون بالامه عصف
وصارت قصور الفسق ورجاله خصف=وسلطان مصر انقذ بلاد المؤمنين
وشاع الجهل في نجد عقب سقوطها=وضاع الفصيح بنار لسعة سوطها
وغطى النبط قاع العرب وشطوطها =وسجل تواريخ العرب دنــيــا وديــــن
والشعـر وزن وقاف واهداف وبحر=ومعنـاه واضـح كالفضـاء عقـب السحـر
واقواه قاف اللـي تضايـق وانـتـحــر=ويضعف مع اللي ماشكى غبن السنين
ولا صار ما بالشعر شي يجذبك=يصير نظم وكل ناقد يشذبك
ولاتسمع اللي جاملك واستعذبك=والنظم غير الشعر عند الناقدين
ولا شفت نظم الشخص واشعاره مزيج=مثل اختلاف اللون بأفواج الحجيج
هذي قلايع شالها وقت الهجيج=وبضايع البطران عند المفلسين
نوب على لهجة رجال الباديه=ثم الحضر واهل النفوس الهاديه
ونوب مثل لهجة نوال وناديه=والا جمع بالقاف كل الحالتين
وتـرى هــوان الـشـعــر يـالـقــرم الـنـبـيـه=شــعـــرٍ تـقـولــه عــنـــد رجــــلٍ مـايـبــيــه
لـــو كان بأشعار العرب ماله شبيه=الـزيـن عـنـد اهل الـجـهـاله مـايزيــن
والــلــي بـيــوتــه مــــن ضـمــيــره نـابــعــه=تـحــفــظ مـــــع الــعــالــم بــلــيــا طــابــعــه
وتـلـقــى الـمـعـانــي وسـطــهــا مـتـتـابـعـه=ماحـاسـهـا بالـهـذرمـه حــوس الـعـجـيـن
وتــــرى بــحــور الــقاف مـافـيـهـا عـــــدد=تشـبـه طـيـور الصـيـد فــي وقــت الـهـدد
عند الــقــدامــى والـشـواعــيــر الـــجـــدد=كان القواعد واضحه ماهي دفـيـن
وكل القصايـد لـه طريق وله هــدف=واحلى القصيد اللي يجي مثـل الصـدف
امـــا سـبــب طـعـنـات مـلـعــون الــجدف=او زول ريــــمٍ مــثـــل ريـــح الـيـاسـمـيـن
وشهيرها المسحوب بأشعار الشمال=وجنوبها المنكوس به طول وكمال
تحت الجبال السود وطعوس الرمال=ويازين جزل الشعر بالرجل الرزين
وان ماضبطت الوزن شلهـا فــي لـحن=ان كان جاشـك من بـحـوره ماشـحـن
وان ماتـعـدل خــذ قصـيـدك فـــي صـحن=وراحـــة قـصـيـدك خــــذ بــدالــه راحـتـيــن
وهـو مـوهـبـه مـدفـونـة وســـط الـحـشـى=والـمــاء يــريــد الـبـيــر وحــبــال الــرشــى
لــو زدت ثـوبـك طـيـب وشمـاغـك نـشـى=تفـلـس ولــو تـصــرف بـدرســه خزنـتـيـن
وافـضـل فـحـول الـقـاف بـوقوت الحـسـم=مـن يرسـم المعنـى علـى الـصـوره رســم
هــــذا الـقـصـيـد الــلــي يـسـمـونـه دسـم=ويسـتـاهـل الـبـيـرق بـحـكـم المنـصـفـيـن
وركــــــز بـمـفــتــاح الـقــصــيــد وقـفــلــتــه=واضـبــط طـريـقـه كـهـربــاء مــــع زفـلـتــه
تـــــــراه مــقــيـــاس الـقــصــيــد وحـفــلــتــه=لــو بـاقـي ابيـاتـه تـجـي دون اكسجـيـن
وتـرى الكـلام الجـزل هـو طيـب القصيـد=وطيب المعانـي يالسنـافـي خـشف صـيـد
وبـعـض القصـايـد عنـدنـا مـالــه رصـيــد=لـو هــــي تـــردد بـالـبـرامـج كــــل حــيــن
والـلــي جـعــل بـعــض الضـمـايـر قـافـيــه=والله فـــــــلا هـــي بــالــجــزالــه وافــــيــــه
وهـــي غـلـطـةٍ بالـشـعـر مـاهــي خـافـيــه=حـتــى ولـــو داســـه رهــيــن المحـبـسـيـن
زمـــل الـقـوافـي مـــا يمـشـيـهـا الـضـمـيـر=رده عـلــى الـســاس الـثـلاثـي يالسـمـيـر
والا غلطت وطحت في غيظ الامـيـر=واصــبــح قـصـيــدك لا يــــدان ولا يــديــن
والـقـافـيه والوزن مـــحـــدن يـمـلــكــه=حتى تــلاقــي لك طـــريــــق تــســلــكــه
والا قصـيـد السابقين استهلـكـه=وتـقــدر بـشـطـر الـبـيـت تـاخــذ كلمـتـيـن
وروايــــــع الـتـصــويــر لـــزهـوره عـــبــــق=وهــــي دايــــمٍ مـحـسـوبــةٍ لــلـــي ســبـــق
ومن سار بدروب المعاشير اغتبق=وفضـل الصحابـه فـوق فضـل التابعـيـن
وتكـريـر نـفـس الـقـاف يـضـعـف قيـمـتـه=وتصبح علامة ضـعـف فــي ترنيـمـتـه
فـــي حكم ساكن فـلـتــه مــــع خـيـمـتـه=والـــلــــي يــقــولـــه مـايـجـيــبــه مــرتـــيـــن
ومـــن حـــدد الـتـكـرار من بـعــد الـسـبـع=مــاجــاب قــولــه مــــن شـخـالـيـل الـنـبــع
ولا نتبع الشوفات من بعض الربع =لا صــــار مـايـعــرف بــوقــت الهـجـرتـيـن
والـحــرف تـفــرق فـتـحـتـه عــــن شــدتــه=والراء مع ( المره ) وقوة هـدتـــه
تفرق عن ( التمره ) بخيشة جـــدتـــه=مـثــل اخـتــلاف دبـــي عـنــد ام الـقـويــن
ولا يـخـتـلـف تـشـكـيـل مـاقــبــل الاخــير=قاف (القمر) و (الشبر) ماهو قاف خير
والـــراء مـــع التـرقـيـق حـتــى بالـشـخـيـر=تـفـرق عــن التضخـيـم عـنـد السامعـيـن
وتـرى الـحـروف بوسعـهـا مـثـل الـرفـوف=(والـلام)واسـع بــاب فــي كـل الـظـروف
(والراء)شـبـيـهٍ لـــه بـزيـنــات الــوصــوف=(والــنــون) يـدعـونــه رحــول الـراكـبـيــن
(والـثـاء) غثيث وتدفعه صوب العـشــر=والزود محدن يفهمه عند النشر
(والـــــذاء) يحشر اللي رعى حوله حشـر=وياقـف علـى الـدرزن ولـو عنـده عويـن
وكــثـــر الاداة بـنــظــم بـيــتــك يـضـعــفــه=حـيـثـه كـمــا المـسـعـف تـقــوم وتسـعـفـه
وثنتـيـن فـــي شـطــر القـصـيـده تجـعـفـه=كـانــك تـبــي مـثــل الــعطاوي والـبـطـيـن
والـلــي بـشـتـم الــنــاس يرفــع سـمـعـتـه=وقــــرر يــصــلــي بـالـثــلاثــاء جـمــعــتــه
ياسرع ماتطفي لهايب شمعته=والشعر للي بالعرب عقله رصـيــن
مـاتـشـهــر الـشــاعــر خرابيط الدجى=واللي لراع الفضل والطيبه هجى
ومن طاح بأعراض الخلايق مانجى=ويـصـبـح حـديــث الوقت بين الجاهـلـيـن
واقــــوى الـقـصـايــد لـلـقـلــوب الـعـاشـقــه=الــلــي عــــذاب اهــــل الـظـلايــم راشــقـــه
لا نـــاب عـــن طـيــر الـحـبــاري بـاشـقــه=وراحـــت حـيـاتـه بالظلـيـمـه دون شـيــن
مـثـل النفيـعـي يــوم ســر الـعـشـق بـــاح=ومــوت الدجيـمـا قـبــل يـنـبـاح الـصـبـاح
ومعـهـم ضمـيـري مـالـقـى مـنـهـن ربـــاح=وكـم واحـدٍ يشكـي مــن العـشـق اللعـيـن
وقـصـيــد بــــن عــمــار بـعـيــون الـمـهــى=فــيــهــا الـغـبـيـنــه والـعـزيــمــه والـــدهــــى
يـبـي الـعـنـود الـلــي خـــذت كـــل الـبـهـى=ومــحــدٍ رحــــم قــلــبٍ يـلـجـلـج بالـحـنـيـن
وابن الخـفـاجـي ذاق حـيـضـان الــــردى=خـــــــــلا الامـــاره للهلالــــيـــــه فـــــــــدى
وسـافــر وحـــارب لاجـلـهـا ضـــد الـعــدى=وعقـبـه وقــع مـغــدور تـحــت الحـاقـديـن
او جــمــرة ثـارت عــلـــى جـــدي فــهـــد=الشاعـر اللـي طـاح مـن ضعـف الجـهـد
وحـرمـان شــوف الـزيــن مـزمــوم الـنـهـد=والــنــاس مـاتــرحــم قــلـــوب الـعـاشـقـيـن
ومــوت التميـمـي فــي طـواريـق الـشـقـى=عــبــد الـرحـيــم وصـــــار قــبـــره بـالـنـقــى
اســــم الـمــطــوع لـلـنـقــى عـقــبــه بــقـــى=يشهـد عـلـى جـسـمٍ وقــع مـثـل الشنـيـن
ومـــن الفيـاحـيـن الـــذي عــــاش بـقـطــر=اقــصــد مـحـمــد يـــــوم يــاطـــاه الـخــطر
اقـفـى قـبـل يقـضـي مــن الـزيــن الـوطـر=وهــذا قصـيـده نسـمـعـه فـي كـــل حـيــن
وعـبـيـد في بلواه غابــت قـصـتــه=يــــــوم انــتــحــر لـــلـــي بـــثـــاره وصـــتـــه
نـــــــار الـمــحــبــه والـظـلـيــمــه مــصــتـــه=ومـنـيـر سـاق الـعـلــم لـلـقـلـب الـرهـيــن
ومحـيـسـن الــلــي بالـدعـيـجـاء يـنـتـخـي=حـيـثــه عــزيــزٍ فـــــارسٍ كــفـــه صــخـــي
ويـــوم اقـبـلـت بـشــراه والوقت الــرخــي=لـقــوه هــافــي مـامـضــى لــــه سـاعـتـيـن
والا ابـراهــيــم الـــــذي شــال الـحـبــيــب=فـرحان يـلـعـب فـــوق زيـنــات السـبـيـب
وطـاحـت شريـفـه طيـحـةٍ مـالــه طـبـيـب=وهـو مـات عقبـه يشكـي الوقـت الغبيـن
والا الولـيـعـي طـــاح مــــن راس الـجـبــل=يـقـعـد عـلــى الـمـرقـاب لـيــن انـــه ذبــــل
والــظــلــم زرعٍ خـــاســـرٍ مـــابــــه ســـبــــل=وعـســى بـــلاه مــــن الــهــوى مايبـتـلـيـن
والـلــي بــقــى مــامــات بـاسـبــاب الــغــلا=ويخـفـي بـوسـط الـجـوف حـسـرات وبــلا
وقـــال القـصـايـد يشـتـكـي جـــور الــمــلا=وقافـه غـدى وســط الـعـرب قــافٍ ثمـيـن
مـــثـــل الـقـثــامــي دز قـــافـــه يـشــتــكــي=ويـنـخـى الامـيــر الـلــي بـحـايـل مـرتـكـي
ومـشـى لــه الـلـي فزعـتـه مـاهـي حـكــي=وذاق السـعـد واشـعـل قـلـوب الشامـتـيـن
وساكـر جفـل عـن عشقتـه مثـل الظليـم=ودعـى علـى اللي خـالـف الــراي السلـيـم
لـمـا غــدى جسـمـه مــن اسبـابـه هـلـيـم=واصـبــح نـحـيـل عـقــب مـازولــه بــديــن
وابــــــن دويــــــرج بـالـطــواريــق اشــتــهــر=بــحـــرٍ طــويـــلٍ قـــبـــل قـــافـــه مــاظــهــر
يـشــكــي صــواديـــف الـمـغــثــه والــقــهــر=وحـــظٍ عـلــى درب الـهــوى عـيــا يــزيــن
وابيـات ابـن لعبـون مــن عـقـب النـجـاز=عـقـب الحـبـيـب الـلــي تـوفــى بالـحـجـاز
فـيـهـا جــــروحٍ صــادقــه مــاهــي مــجــاز=وصـابـر عـسـى ربــي يعـيـن الصـابـريـن
وكـنـعـان يـــوم انـــه فـقــد شـوفــة هـيــاء=ولـقـى مــن انسـابـه قـسـاوه مـــع عـيــاء
جـــــر الـســرايــا مــاقـــدر كـــتـــم الــنــيــاء=بـــس النـسـابـه مـاحـصــل قـلـبــه يـلـيــن
وابـن سـبــيــل مـــــن مـفــاخــر بــاهــلــه=الــلــي غـــــرام الـبــيــض يـثــقــل كـاهــلــه
والــنــاس بــجروح الــهـــوى مـتـسـاهـلـه=ومــــن ذاق نــــاره يـفـهـمـه فــهــمٍ يـقـيــن
ويكفيك غـيـظ المـورقـي واسـمـه نـهـار=الـلـي دعــى الـدعـوات خالـطـهـا الـبـهـار
حـتــى يــقــع بـالـبـيـر حـاسـدهــم جــهــار=وينقـل علـى اللـي جافـل وسـط القطـيـن
وابــــن شــريــم الــلـــي بـيــوتــه جــارحـــه=سلـيـمـان يـشـكـي مــــن غــــرامٍ طــارحــه
والــيـــوم هــمـــه فـــــوق هــــــم الــبــارحــه=والعـشـق لقـلـوب الـعـرب مـثــل الكـمـيـن
وعــايــد ولــــد ســعـــدي بـيــوتــه ســايـــره=فــيــهــا غـــثــــى روحٍ بــجــوفـــه حـــايــــره
مــن ضـمـن مــن ذاق الـطـبـوع الـجـايـره=والعشـق يخلـف صاحبـه لـو هـو رزيــن
وانـا كرهـت العشـق عقـب اللـي سمعـت=دامـي بدونـه مــن غـثـى الدنـيـا جمـعـت
ارمــــع ولاتـاتـيــن مــثــل الــلـــي رمــعـــت=يـحـمـيـنـي الله مـــــن دروب الـعـاشـقـيـن
والا فـــأنـــا بـالـمـرجـلــه رجــــــلٍ طــنــيـــخ=ولااصـيـح بوجـيـه الـعـذارى طــاخ طـيــخ
ونـــوبٍ اسـاعــد نـــور عـيـنـي بالطـبـيـخ=ولـو تطلبـن قـلـت ابـشـري بالـلـي تبـيـن
بــــس الــهــوى فــيــه الـمـهـانــه والــنـــدم=يودع شيوخ المرجله مثل الــخــدم
وان طحت بالذله وزلات القدم=صيدك يجي من روضهن ماهو سميـن
واخـــاف اجـــــي بـــــردان ودي بـالــدفــى=مـا مــن حـطـب والـنـور بالخرمس طـفـى
وابـلـش مــع المثـبـت وهــرج الـلـي نـفـى=واصــيــر مــثــل الــلــي يـعــايــد قـريـتـيــن
وام الــعــيــال تـــعـــود لابــــــواب الـــزعــــل=وطبـعـه مـــن الـلــي لاوعـــد غـيــره فـعــل
والريـم تـصــبــح في حرايبنا وعـــــل=وتـبـدى صواريخه بقصف الـمعتديـن
وانــــا اشــتـــري درب الــركـــاده مـشــتــرى=ومــااريــد صــــوت الــرمــي قـــــدام وورى
ومحـدن مـن الجـيـران يــدري وش جــرى=ويــاويـــل رجـــــلٍ عندهن يصبح رهـيــن
والـيـوم غــاب الـعـشـق وســـط اسـواقـهـا=ولايـخـدعــك شــعــر الــعـــرب واشـواقــهــا
هـمــه مــــع الـغـنــدور يـقـضــب سـاقـهــا=وعـقـبـه تــلاقــي حـبـلـهـا مــاهــو مـتـيــن
وتــــرى ســــلاح الـبـنــت دايـــــم مـدمــعــه=ولـــو جـــاك حـســه بـالـبـكـى لاتـسـمـعـه
والاذن عن شكواه حـــاول تـشـمـعـه=تــــرى وعــــود الـبـنــت تــرجــع تـسـتـبـيـن
هـــــذي فــوايـــد مـــــع تـمـاثـيــل مـــضـــت=مـن جعبـة الـلـي لــه بـحـورٍ مــا قـضـت
والـنــاس فـــي جـمـلـة تـواريـخـه رضــــت=والــيــا حــكــى شــــد انـتـبــاه السـامـعـيـن
واللـي شـرط لاجـل اشتغـل فـي شاشـتـه=مــن شـــان اعـــدد لـــه فـضـايـل بـاشـتـه
واجـــيـــب طـــيــــبٍ لابـــتــــه مـاحــاشــتــه=ولا اخــبــر فـيـهــم بـالـمـراجــل حـلـقـتـيـن
واقــــول لـو طــعــت الــعــرب وخـراطـهــا=كـــان امـلــك امـوال الــذهــب وانـواطـهــا
وهـــــذي مـيــاديــن الـــنـــدى واشــواطــهــا=لاشــــك مـانـمـشـي بــشــورك خـطـوتـيــن
حـنــا صـحـيـح الــمــال يـنـقــص عـنـدنــا=ورغــــم الـقـســى بـالـبــرد يــقــدح زنــدنـــا
وجـــنــــود مـــالــــك مــاتــواجـــه جــنـــدنـــا=واحـــذر بشـيـمـات الـنـشـامـى تسـتـهـيـن
مـاكــل رجـــلٍ يـخـدمـك لاجـــل الــقروش=ولانـي مــن الـلـي لاكـثـر مـالـه يـشـوش
والــنــاس مـلـفـاهـا الـمـقـابـر والـنــعــوش=ومـحدن يشـيـل من الـخزايـن درهـمـيـن
وتـــرى وعـود الـطـيـب ماتـمـلـى الـبـطـن=وبالـوزن ثقلـه مــا يـجـي خيـشـة قـطـن
وكــان انــت بطـبـوع الـعـرب رجــل فـطـن=لا تـجـمــع الـشـبـعـان عــنــد الـجـايـعـيـن
وان واعــدك راع الــكــدالـــك والــبــيـوك=طيـبـه تـــراه ابـعــد مـــن الـوشــم لـتـبـوك
لــيـــش الــوعــايــد والـــدراهـــم بـالـبــنــوك=بـــس الــــردى يـرمـيــه مــربــوط الـيـديــن
والــظـــلـــم مــــابـــــه لــلاوادم فــــايـــــده=ويـكـفـيــك فــعــلــه بـالـعــصــور الــبــايــده
ونــتــايـــجـــه بـــــيــــــن الاوادم كـــــايـــده=يـامـا قـطـع راعـيـه مــن شــوف الجنـيـن
راعــــيـــــه مـــافـــكـــر بــــعـــــدل الاخـــره=وقـــــام يـتـنــومــس بـالـثــيــاب الــفــاخــره
وانـــــه مــلـــك بـــرج وقـــطـــار وبـــاخـــره=واقــفــى وخــــلا الــمــال عــنــد الـوارثــيــن
والله يـــلـــو كــــــل الـضـمــايــر عــايــشــه=مـاشـفـت ضـحـكـات الــرجــال الـطـايـشـه
الـلــي تـشــوف الـنــاس مـثــل الهـايـشـه=مـــاتـــدري ان الـــمـــال لـلـعــالــم كــمــيــن
ولــو ســرت مــن بـيـروت حـتـى القـاهـره=تـلــقـــى بخلق الله قـــلــــوب طـــاهـــره
وحـسـبـي عـلــى راع الـعـيــون الـسـاهــره=وشـلـون مـاشـاف الـسـهـارى الجايـعـيـن
لــيــت الــعـــرب تـتــبــع دروب اسـلافــهــا=اللي عهوده مـاتــخــون احــلافــهــا
ولا تفجع اصحاب الغنم واعلافها=يمكن طواريق الـخـطـا ترجــع تزيــن
ولاتــنــخــدع بــالــلـــي يـــريد عنــادنـــا=ويــشــكـــك الــعــالـــم بــطــبـــع اجـــدادنــــا
ويزين بفراش الهوان وسادنـــا=ونركـض بدرب الـغـرب مـثـل الراكضـيـن
كـــم حـاكــمٍ حــــاز الـمـدايــن والــعــروش=وحـــاز المـسـاكـن والمـبـانـي والــقــروش
بـــــس الـمـنـايــا مـاتـرجـعـهـا الــجــيــوش=وش فـايـدة ضـحـك يـجـي عقـبـه ونـيــن
وترى شيوخ العلم ياتيها الهـــوى=وربـــي خـلــق نيـاتـهـم مـاهــي ســوى
ومـــــــا لـلـمـصــايــب لاعـــــلاج ولا دوى=غــيــر الـمـسـيـر بــشــرع رب الـعـالـمـيـن
وبعض الفتاوي واضح فيها التلف=من فكر شيخ قالها يبي العلف
ماله اساس بكل ماقال السلف=بالفتح والا في رياض الصالحين
وهذا سبب شوف الـعـدالـه ضـايـعــه=وشوف اليتامى بالشتاوي جايعـه
ونار الـظـلـيـمـه بـالـخـلايــق شــايــعــه=والـفــقــر مــكــتــوبٍ عـلـيــهــم بـالـجـبـيــن
وليتك تــمــعـــن بـالـتـكــاثــر والــمــســـد=وتشوف دور الـقـلـب فـــي كـل الـجـسـد
وان الــخــيــانــه والــخــبــاثــه والـــحـــســـد=صــارت سـبـب شــح المـطـر للمسلمـيـن
دام الـعـرب تجـسـر عـلـى سـجـن الـبـري=وتـركـض ورى الخـفرات واللـحـم الـطـري
وقانـونـهـم يـجـفـل عـــن الــرجــل الــثــري=صـــاروا مـثــل عــــاد وثــمــود الهـالـكـيـن
والمدح مـا يصلح اليـاجـيـت الـصـحـيـح=إلا بـشـيــخ فــــي نــــدى تــــاج الـبـحـيــح
مواقفه تكفـيـك عـن هرج الشحـيـح=علي العضيبه صاحـب العقـل الرصيـن
دامـــه شـمــخ وســـط الـسـبـاع الـعـاديــه=وطـيـبــه رفــــع قـيـمــة شــيــوخ الـبــاديــه
ماراح يمشي في مشورة نـاديـــه=واليوم اشوفه هــو عقـيـد السربتـيـن
شـيــخٍ مقامه فـــي بـنــي مــــره ظــهــر=عــزمــه يــعــزك فــــي صــواديــف الـدهر
وطيـب المشـايـخ والنشـامـى فــي شـهـر=عـلــي العضـيـبـه يـدبـلـه فـــي ساعـتـيـن
ومحـظـوظ مــن فــارق حيـاتـه مــا ظـلـم=ولايطلـبـه بـعـض الـعـرب لو هـــو قـلــم
وراع الـظــلايــم مـايــرفــرف لـه عـــلـــم=والــحـــمـــد لـلــمــعــبــود رب الـعــالــمــيــن
[/poem]