اجواء غير / وبرد وغيوم وامطار !
بشرى بداية عام . . . جاب التباشير


ريح المطر وقت الشتاء عطّر الدار
وغنى الشجر وقت المطر للعصافير


الجو بارد . . والشتاء بالوله / زار
وانا على جال الحطب ماني بخير !!


برد الوله مايدفي . . بمعطف ونار !
له بالمحاني : ونة ٍ صوتها / غير


مرت سنه بغيابها . . والحزن بار !
كني ابوه ويحضنه . . . دون تقصير


اثر الليالي . . حزنها حيل / جبّار !!
هي فرقتنا . . والقدر / واقع يصير !


وحشتني ياللي معك . .كل الأسرار
شوف المطر / ينبت بصدري نواوير


مابلتك قطرة مطر . . شوقها حار !
هذا اشتياقي . . والمطر شوقه يثير


كل الجوارح / ثايره . . والوله ضار
وعصفور صدري بالقفص ناوي يطير


انضر لوجه الغيم ثم شوف وش صار
تلقى عيوني تبكي / بدمعها . . مير !


افتح يدينك واحضن احساس الانظار
لم الدموع اللي لها 1000 تفسير !


مبشع غيابك / بس ياقو . . . الأقدار
وقلب العنا : هيجن وغنا [ مقادير ]


تعال غني للمطر . . بعدنا / جار !!
بقلوبنا . . . لو فرقتنا / المشاوير !!


خليتني مرمي على جال الأشعار !!
واصبحت شاعر صفقوله جماهير !


وكل حرف غنالك من الحزن ينهار
والله وكيلك خنت . . . كل التعابير !


جانا المطر وغيابك / يزيد باصرار
ومال المطر في غيبتك .. أي تأثير


وحيد وامشي بالمطر تحت الاشجار
ومع كل قطره انحرق شوق وأغير !


اجواء غير وبرد وغيوم . . وامطار
وانا وحيد . . بغيبتك ماني / بخير !!