اللّي جعل قلبي سكنك ومحلّك
ما به أحد غيرك ملَكْه وخفق له

هو لك حلالك ماخذه لك تملّك
يفداك يا اجمل من تزيّن بكحله

أستسمحه مثله حبيبي وخِلّك
عليك منّي يغير بي شين فعله

يا طيبتك أعشقك واغليك كلّك
ولا هو غريب الطيب لا جاء من اهله

انت السؤال اللّي ولا بي أحلّك
والمعذرة مغليك بالعمد جهله

طالبك لا تبعد ولا تغيب خَلّك
دايم معي فرقاك لا تظنّ سهلة

أبيك لي ما افارقك مثل ظلّك
يالنادر بطبعه ولا فيه مثله

انت الفرح في دنيتي كيف املّك
وانت العطا يا من معي زاد فضله

ما اتوه عنّك يا حبيبي أدلّك
ما اضيّعك فيني ولو كان وهلة

أموت بك واهواك خلّي واجلّك
القلب أبيض والطهر طهر طفلة

عساك دايم يالغلا لي يعلّك
مجنون بي يا من خفوقي سكن له