منتديات بعد حيي - عرض مشاركة واحدة

معرض الوسام · 12-06-2013, 02:13 AM

بالمختصر ضامي وفاء ادور بعينك مكان *** خذني ومعروف الوفاء والله مايذهب سدى

كانه بدالك من كفوف الشح تجريح وهوان *** اللي بدا من صاحبك ماضن يرجع مابدا

تعال خذنى وادفن اللوعات بقبور الزمان *** نبيه يدري بالبخل عظم لنا اجر الندا

والصبح والله ياشبيه الصبح يعطينا آمان *** والليل يقتل في مشاعرنا ولانلمس هدى

قرّب وعطنى معصمك والك الشكر والامتنان *** بأصنع من اللهفه عذر وأعطيك والدنيا مدى

عطنى جروحك واشترط والشرط اعتاق المدان *** اللي دعيته مانفع خلاك واقف للصدى

زرعت له سنابلك واقفا كذا غاوي هوان *** خلا عشاك وليلتك طمعان من ذاك بغدا

الحب خصله من خصال الشهم وخصال الجبان *** بس المحبه تختلف بالطيب والا بالردى

خلاص انس السالفه بذكر حديث ( السيسبان ) *** اللي تمايل فهلوه واهدى انينى للعدا

أما انت والله ياشبيه الورد ياسيد الحسان *** والله اجي كلي عذر واجيب لك كبش الفدا

وابيك تجمعنى شعر ينقط عصارة زعفران *** واشعلبه انفاسك شمع واهيم بك صوت وحدا

تعال بذبح لك غلا دمه رحيق الأرجوان *** وأضحك وانا بقول لك لبيه ياورد ( الهدا)

تمشي وخطواتك غنج تقهر ليان الخيزران *** عليك من بوح الجمال العف جلباب وردا

تضحك ونغمة ضحكتك تبعث رسايل ( للثمان) *** مضمونها كل الزهر من ضحكتك يقطر ندى

وبقول لك كلمه بعد خسرت ( جولات الرهان ) *** مامن خساره دامها لعيونك الحلوه فدا

ودي للجميع