وتشيل يامملوح.حزن المطارات
وعمرك / براويز الحكي / ذكرياتك


ليلتك / حزنك / دمعتك والسموات
وجهك ..وتغريب الليالي .. وذاتك


صلافتك / رقة عيونك لما .. فات
صوت أمك الواهي : أمانه خواتك


إرثك/ جذورك/بسملتك / الصلوت
دارك / شبابيك الغياب / وصفاتك


خشوع قلبك / سجدتيك / التحيات
حكي الكثير .. ومختصر تمتماتك


شفت العيون اللي تناظرك هيهات
لو دقـقت عجزت تحـدد سِماتك


وأنت ب..جفونك يستفز المسافات
حلمٍ .. كسر ظهر الطموح بحياتك


وتشيل ضمن اللي تشيل المجرات
في محجريك .. وموتِـتِك بإلتفاتك


سموك أهلك بمولدك غايبٍ / آتْ
كن الرحيل .. إتوسموه فـ لهاتك


صمتك بلد .. لكن عيونك حكايات
كنك مضيع وسط بوحك .. شفاتك


تمشلحتك بـدون قصد .. الغيابات
وأكرمتها غير إنهيالك إسـ كاتك


كل الشوارع / والشقق / والعمارات
ضاقت بقلبي لاذكر ذكرياتك