منتديات بعد حيي - عرض مشاركة واحدة

معرض الوسام · 12-14-2013, 10:03 AM

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]

هام الخفوق وصار بالجفن مله
وعيا الكرى يدنى جفوني بالاسحار

واضفا خيالي مزنة(ن) مستهله
من عذب جزلات القوافي بالاشعار

ساري بفكري والجسد في محله
عبرت وديان الوسيعه والابحار

بديت انشد خافقي واستدله
عن بعض مايطري بفكري من افكار

بدى يجاوبني على ما وصله
اسأل ويذكر لي من النصح تذكار

قال انصحك في دار عز(ن) تحله
واحذرك ذلان الهقاوي بالاجوار

واهديك انا لخلة صدوق(ن) تخله
واحذرك من خلة كذوبين الاشوار

روم العلا وابذل له الجهد كله
ترى العلا مايدهله غير الاحرار

لا تضهر القوه بضعيف(ن) ترى الله
يسمع نجا مستعف(ن) بيد جبار

واعلم ترى الدنيا يدون سجله
والفعل يذكر كان من طيب او عار

السيف يبغا له كفوف(ن) تسله
والجود يبغا له من الناس صبار

والمجد يبغاله رجال(ن) تجله
والارض دار(ن) والمخاليق خطار

والعين لامن المنا ما حصله
اعلم ترى ما قدر الله قد صار

وبنت الردي لا تجذبك في قذله
خوفي من عروق الردى تنجب صغار

من مل قربك بالمخاليق خله
ومن جاد وصلك له تعنا بمسيار

ومن لا وقف لك والعدا مستحله
ما ينفعك لو قوطر الضد بغبار

الريق من عذب المشاريب بله
واحذر مشاريب الردى يا ابن الاخيار

ودينك ترى الدنيا ضليله مضله
عسا بدينك ترتجي رب غفار

والوالدين رضاهم وطاعة الله
عسا تلاقي محشر(ن) بين الابرار

هذي النصايح لك برى كل عله
اطرق بها في لوح الافكار مسمار

راقت لـــي
[/ALIGN][/CELL][/TABLETEXT][/ALIGN]