منتديات بعد حيي - عرض مشاركة واحدة

معرض الوسام · 12-26-2013, 03:03 PM

والله مانـي بذاخـر حاجـة ٍ دونــك
ولعلمك عيوني ، وقلبـي ، ووجدانـي

وايامي اللي معك راحت ! .. يحبونـك
ولا يتمنـون ، غيـر إنْـك تمنـانـي

دايم معـك فالـدروب .. ولا يخلونـك
من شان ماتخلق اعذارك ، وتنسانـي

لا تاخـذك منـي الايـام ، وظنـونـك
بكرة تعرف الغـلا ! كـان الله احيانـي

حتى ليا جيت اخونك .. مع من اخونك
تنشـاف بوجيـه أحبائـي ، وخلانـي

غمّازتك / ضحكتك / همساتك / جنونك
سكّر سوالفك / رمشك / رمشك الثاني

اموت بك ، لا خجلت ولا اختلف لونـك
واضيع ، وتـدور بقلبـك .. وتلقانـي

بياض قلبك .. يشابه ضحكـة سنونـك
وعيونك السود .. مثل قلوب عدوانـي

ومشيتْك لا جيتني تمشي على هونك
من غيّها !. ودي تمرّ وتعدّاني

والله لا اغنيك واكتب فيك ، واصونك
واخلّدك في سما شعري .. وقيفاني

صح الله لساني .. وصح الله عيونك
لأن لولا عيونك .. ما ابدْع لساني