تعالي ودي أكتب كل شي ومامعاي إلهام
تعالي واجلسي بين الحنايا واسمعيني زين




انا من ليلة البارح حزين وماقدرت آنام
وعلى فكره ترى مامر عيني نوم لا هالحين



تحريتك وقلبي كل ماتنعس عيوني قام
وهو خابرك مانتي راجعه لكن هقاك تجين



غيابك هالسنه يارب ماهو مثل اخوه العام
قبل لاتجرحيني جرحك الثالث مري الجرحين



خذتني ذكرياتك وجيت لك سيرا على الاحلام
لواني ماذكر اني قلت لك باامشي وقلتي وين



ولاأذكر يوم فارقنا بعض هو من ثلاث آيام
اوانه من ثلاث شهور والا من ثلاث سنين



يافرصة عمر كيف افرح بها واعيشها مادام
بغمضة عين جات وسافرت مني بغمضة عين




ذكرتك وابتسمت وبانت الدمعه ولا أنلام
ذكرت الليالي من شهر سته ل شهر أثنين



أنا قلبي من اطباعك عشقك وذاب فيك وهام
وقلبك حبني يمكن عشان (بيكسر الروتين )



على كلن انا بسوق رجلي والفرح قدام
وبقول انك بعد يمكن ثلاث اسنين تشتاقين