العيد عندي كنه الليل الاظلـم
واللي سرا في وسط ليله غدابه
يوم ان كل في هدومـه تنظـم
وكل نهار العيد خـرج ثيابـه
عيدي تراه امكايل الهم بالهم
لاضاق صدري واستلمت الربابه
الله لايجـزاك يـاواحـد نــم
اللي سعى بالهرج بين القرابه
قالو سلمت وقلت ماوالله اسلـم
دوبه تمكن في ضميري صوابه
ياواصلين لديرة الخـال والعـم
اخذ الجواب مزرف في كتابه
ماهوب معكوس ولا هو مترجم
يشيب منه الطفل بـاول شبابـه
مكتوب وسط الخط بنت تبسـم
تحب درب الطيب عقب الخيابه
بنت تحب ان المبانـي تهـدم
يضحك لها عود بدا رأس نابه
واحالي اللي بعد مافارق انسم
والحال يامحمد نوا الله ذهابـه
سارتبنا الاقدار من غير ماعلـم
ياسرع دورات الفلك وانقلابـه
الشاعر / راشد ابن جعيثن
[/frame]