وعيونـي اللـي مـع لذيـذ النـوم صـارن حـربـا تسهرعيوني والعرب كل(ن)رقد فـي مضجعـه
ينـهـل دمـعـي كلـمـا هـبـت ذعـاذيــع الـصـبـا تشعـل بـي الذكـرى وقلبـي مـن مكانـه تشلعـه
يهـتـز قلـبـي واتـوجـد كــل مـاشـفـت الـظـبـا والزيـن قالـوا مـن قديـم الـوقـت كل(ن)يتبـعـه
ماعادلـي مــن قـايـدات الـريـم حـلـوات النـبـا الاالحسـايـف والتـوجـد والـجـروح الموجـعـة
وجدي على ايام الشبـاب العـذب وايـام الصبـا بعداوشكـت علـى النهايـات العـقـود الاربـعـة
وجـد اليتيـم اللـي بـلا ربـع وجماعـة واقـربـا لا مــن تذكروالديـنـه قـــام يـــذرف مـدمـعـه
وجد الغريب اللي قضى كل العمر بيـن اغربـا شوفـة عيالـه والاهـل والـدار غايـة مطمـعـه
لا والله الاراح عــن عيـنـي وولــى واخـتـبـا مابـاقـي الا الذكـريـات المـوجـعـة والممـتـعـة
زهـرة حياتـي ذابـلـة والعـمـر روح وانسـبـى في مثل رمشة عين ولت عـن عيونـي مسرعـة
والزايرالـلـي زارنــي مـــا قلـتـلـه يامـرحـبـا رغـم البيـاض بطلتـه مـيـر المـعـزب روعــه
من بعد مـا قفـى الربيـع الوقـت للعـارض حبـا والسودغازيهـا البيـاض الـلـي تـزايـد ملمـعـه
الله يـاطـول الامــل والحـلـم لا طـــال يـهـبـا مثـل السـراب اللـي تشوفـه والظمـا مايقطعـه
العلم كان ان السنين اللـي مضـت راحـت هبـا لا واخسارة من نسـى عمـر الشبـاب وضيعـه
واليوم صار الوضع قدمي واضح (ن)مابه غبا قامت تضيق فجوجنا مـن بعـد مـا كانـت سعـة
المملكـة مــن سـاحـل الـدمـام لاسـاحـل ضـبـا اضيق من الخاتم علي ليا انحشر وسط اصبعه
اكبـر غلـط حـب الحيـاة الفانيـة واكـبـر غـبـا وابليـس هـذي لعبتـه فـي حبكهـا يـا ماابرعـه
لـلاخـرة وش قــدم الانـسـان ولنـفـسـه عـبــا يوم الحصاد وكل نفس(ن)تحصد اللي تزرعـه
اللـي يقـدم خيـر يلقـى خـيـر مـيـر الـلـي كـبـا يلحـق زمانـه قبـل لا تصـبـح جهـنـم مرجـعـه
وختـامـهـا يالله تجنـبـنـا الـبــلاوي والــوبــا والعمر مابعـد اربعيـن يصيـر بالعمـر اروعـه