منتديات بعد حيي - عرض مشاركة واحدة

معرض الوسام · 01-02-2014, 05:03 PM

سكون.. وريح خرسى والمكان يفـوح بالفخـار
تجمعت وتعبت ونمت في حضن الدرايش..طـل

على خدك ياريم افطر سحاب وبعض مني طـار
صباحٍ كانت احلام الحياه الفانيـه فـي حـل !!

مسافر..في يدي شنطة دموع ودفتريـن اعـذار
خذي واحد..وواحد لو رجعت اقطعـه وابتـل !

اذا وقفتـك هذي(لاتروح)اكنـسـل المـشـوار
واذا هي(رح) تعالي جربي وشلون يقفـي خـل!

احبـك من..تمـادي لايهمـك لونكـون صغـار
الى..ياريم شوفي للشقا صرفه وشوفـي حـل..

كأنا حزمتيـنٍ مـن حطـب والعـام الاول نـار
والى البارح وحنا من رمـاد الذكريات..انطـل !

وانا وانتـي وجـوهٍ مسرحتهـا لعنـة التكـرار
تحركنا ثقافة حب هشه..مجتمـع فـي الظـل !!

علشانك صدقت وصرت ارتب فالرفوف اسـرار
رغم إيماني بفوضى العلاقه بيـن حب..وقـل !!

وعشاني لاتحسبيـن القصايـد همسـة الاحـرار
كثر ماهي صراخ مكبلٍ مـن هاجسـه محتـل !

ياقطرة طفل مع قطرة شعر وشوي صرتوا امطار
متى هذا الورق من طيشك الفاتـن لعقلـي مـل!

واذا صدرك سما..والغيم معطف..والهلال زرار
متى كان الهلال يـزرر الدنيـا ويبـرد غـل ؟!

انا اذكر خافقي سجادتـك وضلوعـي الاذكـار
وفي نفس الصدر فيروز غنت(اوعك انت اتفل)!!

أجل من حدني يم الخضوع وقـال لـي اختـار
وانا من يومها آدور بديل..يكون غير الـذل !!!