منتديات بعد حيي - عرض مشاركة واحدة

معرض الوسام · 01-06-2014, 02:57 AM

:
:
:
وش تحترِين ..؟ ( مَايَسمعُون ) !
ولَو سمَعُوا .. مَايَرجعُون ,
أَقفُوا .. وحنَّا ننتظِر .. مَا يَرجعُون :
ودِّي أَسولِف لِك عَن قَلب جفَته الأَمكِنَة ..
وأَحبَابَه أَيضَاً مَادَرَوا , ولو هُم دَرَوا
( مَا يَرجعُون ) !
مثلِي تجَرَّعتِي الحَنِين ,
وش تحترِين ؟
:
:
بـَ أَختصِر لِك قصّتِي ..
رُغم إِنكِسَاريِ وغَصّتِي !
مِن عَام وَأَكثَر .. كنت أَجِي وَ أَدوُّر / أَحبَابِي هِنَا ,
وَ أَقُول يَاللِي غَايِبِين .. ( الله لِنَا ) !
و ... ( مَحَد / يَرِد ) إِلا البَحَر
صَوتَه و أَموَاجَه وأَنَا ,
صرنَا مَع الوَقت أَصدِقَا !
و ( أَحبَاب قَلبِي مَادَرَوا ) ولو هُم دَرَوا مَايرجعُون !
:
:
قُولِي لِي يَابِنت الوفَاء منهُو صفَاء ؟
وقُولِي لِي وش سِرَّ ( الحَنِين ) اللي لَيَا / اشتَقنَا يبيِن !
يِمكِن أَلاقِي لِي عذِر أَحطَّه بـ : ( وجه السنِين ) !
:
:
يَابِنت ,
أَحلامِك بَحَر وأَحبَابِك اللِي غَايبِين , مَاجَرّبَوا ( طَعم القَهَر )
قُومِي مَعِي
يَم الفضَاء , خَل نعطِي الغَايِب ( ظَهَر ) !
وننسَاه ونَنسَى مَامضَى
ونعِيش بَاقِي هَالعُمُر لو إِن نِصَّه إِنقضَى كِنَّه شَهَر !
و ( مَايرجعُون ) !
:
:
يَابِنت ,
لَو زَادَ الحَنِين لاتِشتكِين ..
وإِن مَرِّك أَحبَابِك غَلَط / قولِي لهُم : ( مَاهَمّنِي )
واللِي تشُوفُونَه تَرَى مَاهُو حَنِين .. اللي تشُوفُونَه فَرَح !
لكِنّ مِن زُود الحَيَاء عَيَّا يبِين !
وَمايَرجعُون ,
:
:
رَاحَوا وحِنَّا ( نحترِي ) !
وجرُوحَنَا .. مَاهِي رخَاص ,
وكَم جَرح مبطِي مَابَرَى !
تَعَالِي نَوقَف للغِيَاب ونصِيح .. ( منهُو يشترِي ) ؟
:
:
يَابِنت ,
بـ أَكتُب لِك شعِر , ولاتفرحِين بـ كلمتِي ..
( لـَ أَنَّه حَزِين ) وَ أَنَا أَدرِي : ( منتِي نَاقصَة جَرح وأَنِين ) !
لكِن , الحزن لو هُو ثَانِيَة
يفضَح مِن الفَرحَة سنين
:
:
إمشِي مَعِي
وش تَنفَع الجَلسَة هِنَا !؟
كِلّ الأَوادم لـَ الفَنَا ,
وأَحبَابَنَا اللِي غَايبِين / مايعرفُون إِنَّا هِنَا !
ولوهُم دَرَوا .. ( مَايرجعُون ) !!
"
"
"
لـِ ذَائِقَتِكُم العَذبَة