01-07-2014, 12:25 AM
|
#12
|
|
بيانات اضافيه [
+
]
|
|
رقم العضوية : 5527
|
|
تاريخ التسجيل : Aug 2007
|
|
أخر زيارة : 10-22-2017 (11:22 PM)
|
|
المشاركات :
4,652 [
+
] |
|
التقييم : 888
|
|
الدولهـ
|
|
الجنس ~
|
|
MMS ~
|
|
|
لوني المفضل : Black
|
|
[frame="7 80"]
الشاعر هادي المنصوري
يوم الزمن يرسم على راسـي الشيـب
خـاب الكـلام و مـات حلـم الامانـي
في القلب خصله تجزي الطيب .. بالطيب
ولاّ الـردي قلبـه بغيـض و أنـانـي
أحـدٍ يعـزّي كلمـتـه بالمواجـيـب
وأحدٍ يخـون الوعـد بيـن المحانـي
يـا صاحبـي مانـي بعـلاّم بالغـيـب
لكـن وجهـك يفضحـه علـم جانـي
علّم كبار القـوم عـن كلمـة الريـب
ما هيب مـن طبعـي ولا مـن بيانـي
عشت وتربّـى فـيّ حـب المواحيـب
عـودٍ مورثنـي سـلـوم ومعـانـي
من صغر سنّي أنصي الخيـر وآصيـب
حـب المراجـل منـزرع فـي كيانـي
لو جار وقتـي مـا تستّـرت بالعيـب
وإن طاب وقتـي أذكـر اللـي نسانـي
يا من على الطاري ضوَتـك التراحيـب
وش فيك .. قلّي .. ليه عايـف مكانـي
ضمّـدت هجـرك ونّــةٍ بالمراقـيـب
ليـن إنثنـى صـوتٍ بحرقـه دعانـي
عيبـاه لـو دمعـك يبـلّ الاشانـيـب
وعيباه لو حزنك مـن أجـل الغوانـي
الزلّه أغـرق مـن كبـار المشاريـب
والعذر أصغر من ظمـى مـا سقانـي
الغدر يـا جسـاس فـي غفلـة كليـب
والزيـر دل الثـار مــرّه عشـانـي
الطيب إذا ضـرّك أسميـه أنـا عيـب
والعيب إذا سـرك تـرى فعـل جانـي
الليل يشهـد لـي بصعـب التجاريـب
والشعـر يكتبنـي بعـد مـا قـرانـي
والوقـت علّمنـي بسـر المصاعيـب
والهـم خـلاّنـي بقـربـه أعـانـي
يا ذيب ياللّي تلحق الصـوت يـا ذيـب
بعـواك تجـرح كـل قاصـي ودانـي
يا ذيب أنا مثلك ترى مـا لـي مْجيـب
تخنقنـي العبـره ودمـعـي حـدانـي
أخاف مـن شكـوى تجيـب العذاريـب
وأخـاف ميـلات الزمـن لا تـرانـي
كبدي علـى مـن غيّرتـه المناصيـب
وعمري على ما ضـاع بآخـر زمانـي
يـومٍ يلبـي لـي جميـع المطالـيـب
آغوص في حصنـه و يشبـع حنانـي
والحيـن مـا بينـي وبينـه مكاتيـب
إلاّ ســلامٍ مــن بعـيـدٍ كـوانـي
لـو مـر ليلـي والمثـل بالمضاريـب
أنحت حروف الشعـر كسـب ومعانـي
ولاّ الزمن لـو مـر يهدينـي الشيـب
وأهديه مـن عمـري وحلـم الامانـي
الشاعر / سلطان بن عادي
[/frame]
|
|
|
|