سولفت للظلما عن النوروالضيّ
حتى استحت من حاضري ذكرياتي !
مافات مات تناقض احساسي الحيّ
مافات حيّ ومات ماكان.. آتي !
ياليت تحت جدار مشاعري فيّ
واسند عليه اليا تعبت امنياتي !
يا حبّي الاول .. ويا آخرالغيّ
من أوّلك لـ آخرك .. رحلة شتاتي !
حاتيتك وضيّعت حبك من ايديّ
ومدام حبك ضاع وش عاداحاتي ؟!
خذ ماتبي مني وخل الحزن ليّ
من ليلة الفرقا لـ .. ليلة وفاتي !!
لو الزمن صبر على حلمي شويّ
ماكان قبل شوي .. فقدت ذاتـي.!
عشـآنـ مـآ اضيع حـياتي على شي
ضيعت اجمل شي مر ب حيـآتـي !!