منتديات بعد حيي - عرض مشاركة واحدة

معرض الوسام · 02-03-2014, 10:25 PM

(ياريم ) قال الليل : يا ساهر الليل
شفّ لك نعاس من أي طرقي و خبّه !

ياطفلتي والليل ( جذع المواويل )
موّلت لين الصبح نسنس و هبّه !

طاري يمرّ بلا كرام و معه خيل
تدبك بـ باقي أضلعي لين أسبّه !

كني انا دله شكت قلة الهيل
يا هيل ليلي لو معك شي صبّه !

يا غربتي محتاج موعد و إزميل
هذا التعب أعمق من البحر غبّه !

تعبت أسولف عتمة الليل لـ سهيل
و سهيل ملّ من الحكي دون سبّه !

متعب و أطير لأخر ( غصون إبريل )
يمكن الاااقي فيه موعد و أشبّه !

و أروح أفتّش في دجا الليل عن حيل
ما عادت أوضاع السهر مستتبّه !

و أروح أدوّر في حناياي قنديل
علّ و عسى أضوي دروب الأحبّه !

(ياريم ) هذا الليل / عذب التعاليل
ما يستحق أتعب عشانه و أحبّه !

(ياريم ) كل إنسان : مُبهم تفاصيل
ما يستحق أعتب عليه و أسبّه !

لذوائقكم العذبه