|
همك عذاب .. اللي نسى الناس .. لرضاك-وهمي اشوفك .. مهتني .. في سنينك
صعبه ترى لو شفت .. وشلون ابسلاك
لو طفت هالعالم .. تراني سجينك
عذبتني .. واشقيت روح ٍ تمناك
لو الهوى ينطق .. وربي يدينك
مات الغلا .. ينزف على درب ذكراك
رغم الجفا .. لا زال .. يرجي حنينك
بعدك حياتي .. كلها ضيق .. وارباك
الواقع .. اللي .. ما تمناه .. عينك
كل المشاعر .. في غيابك .. تحراك
تصرخ عليك من الوله .. حيل .. وينك
مقدر على بـُـعدك .. حشى كيف فرقاك
هذي الحقيقة .. خلها .. في يقينك
ادري تساومني بروعة .. مزاياك
وتدري اضيع .. إليا بدالي .. جبينك
همك عذاب .. اللي نسى الناس .. لرضاك
وهمي اشوفك .. مهتني .. في سنينك
|