الموضوع: [.. مّا ضرب كتفه بــ كتفي إلا لأنه ..]
عرض مشاركة واحدة
قديم 02-20-2014, 04:06 AM   #1

مراقبه عامه


الصورة الرمزية وتم بعيد
وتم بعيد غير متصل

بيانات اضافيه [ + ]
 رقم العضوية : 21830
 تاريخ التسجيل :  Aug 2012
 أخر زيارة : 12-12-2025 (03:00 PM)
 المشاركات : 40,948 [ + ]
 التقييم :  272247
 الدولهـ
Saudi Arabia
 الجنس ~
Female
 MMS ~
MMS ~
 SMS ~
اللهم اجبُر قلبي جبراً أنت أهلُه
 معرض الوسام
مميز ضفاف حره شكر وتقدير سيدة الطبخ الثالثة 1434 هـ وسام دعوة للضحك وسام يوتيوب رمضاني 1434 مميز الماسنجر 
لوني المفضل : Black

معرض الوسام
مميز ضفاف حره شكر وتقدير سيدة الطبخ الثالثة 1434 هـ وسام دعوة للضحك وسام يوتيوب رمضاني 1434 مميز الماسنجر 
مجموع الاوسمة: 8

[.. مّا ضرب كتفه بــ كتفي إلا لأنه ..]


[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]






التقينا مرّة صُدفــــه
كنــا نمشي وسط زحمه ..
• وانضرب كتفي بكتفه •

أحلى صدفــه ...
" آنا آسف... اعذريني "
و طالعتْ عينـــه بعيني ...
و ابتسم .. يظِهر لي لطفــه

قمت أطالع... قمت أشوفــه ... و اكتشفت إنّي أعرفــه

" هذا أنتــــــــــــه "
مستحييييييل ..
إيه و الله صدفــه !

و ارتعش قلبــــي على شوفة حبيـبـه ..
آه يا دنيا عجيبــه
بعد طول غياب ... هالصدفـه تجيبـه !

وانحرج منّي ... و حط يدّه في جيبــه ...
و لفّ وجهــه عنّي و بسرعــه رهيبــه !!
ما عرفني.. ؟؟

كيــــــف أنكر.. ؟؟؟
شكلي أصلا ما تغيّر ...!!!

وانضرب كتفي بكتفه
وانضرب كتفي بكتفه
من تركني .. و آنا نفسي ..
بس يمكن صرت أكبر ...

يمكن أوجاع الزمن رسمتْ على وجهي [خريـــطـــه]
بقعة سودة... و بقعة خضرا ... و خط أحمر ...

بس ...
بس ...
بس قلبــــي .. {ماتغيّر}
.. لحظــه اللي شافك اهتزّ و تحيّر..

نفس وجهك ... نفس عينك ... نفس ذاك الشعر الأشقر
و فيه خصلة شيب (بيضـــــــا) ...
خلّتك جــــــــــذاّاااااب أكـــــــــثر.. !!!
و ابتعد خطوة ... يبي يواصل طريقــه
لـــآ ! حبيبي ..
وين رايح ؟؟
أتوسّل لك .، دقيقــه

خل قلبـــي يسترد لحظة شهيقــه ...
مو مصدّق .. يلقى هالساعـه [رفيقــه] ...
يلتقي هالساعـه حبيبـه...
يلتقي هالساعـه عشيــــــقـه ...
بعد هالسنين العريقــه ..

بس ثواني .. /
و إلا عابر (( شخص ثاني ))
وانضرب كتفي بكتفه
وانضرب كتفي بكتفه
دار له خلّي و نساني
طلّع إيدينــه وحضنها !!
و همس بكلمة في إذنها ..

من هي هذي ؟؟؟
وآنا ويني ...
... مدري عنها ؟؟

اعتقدها اللي خطبها ..
يا حسنها و يا أدبها ..
أحلى و أصغر و الله منّي !
يا ترى ، وش قد حَبْها ؟؟
شدْ على يدْها وسحبها ...
ضحكت وشدّته لحدّها ....

كنها تدري بي أحبّه!
و أنقهرررررررر • لا جات جنبــه •
قالتْ الجملــه و هم يمشون عنّي :

{ يا يـــبـــــه لا تضيع منّي }

و ساروا .. و هْي َ تمسكه تدلّـيـه طريقـه ..
و أنصفع بأقسى حقيقـــه ..
«ما ضرب كتفـــه بكتفي
إلا لأنـــه ..!!
[ نوره مطفي ومايدل حتى طريقــه]




افرح وحزني موطنه وسط صدري
يملك صكوكن بالضلوع المحاديب
يطري علي الي خذا القلب يطري
قلبي معه من دون شكن ولا ريب
اسج خطواتي على وين مادري
وعيوني الثنتين باعلا المراقيب
شكيت فرقاهم وانا توي بدري
شكوى الضرير الي ملا راسه الشيب
ياللي خذيت القلب معقول تدري
ان صاحبك يقنب كما يقنب الذيب
والله ترى حبك مع الدم يجري
ولو كان تدري مانظن انك اتغيب
ياملهمتني كل ما اطريت شعري
وشلون اطيب من الجروح المعاطيب
طال الفراق وبعدكم شل فكري
ماظنتي جرحي يجي له تطابيب
ماعاد ينفع قو باسي وصبري
ولاعاد ينفع قولت اتصيب واتخيب
باطلبك حاجه كان مازال قدري
حاجه بسيطه مابها اية عذاريب
القلب عندك لانوى اليوم يسري
تطلق سراحه يكفي امن التعاذيب
،

استهوتني كثير
لأروآحكم

[/ALIGN][/CELL][/TABLETEXT][/ALIGN]


 
توقيع : وتم بعيد


رد مع اقتباس