وانتي ادرى من نحر حبي وكياني
ومن حرمني من هدوئي والسكينه
وانتي ادرى من ملك حسي وحناني
ايه ... ذاك الي قدرتي تملكينه !
كنت اقولك حب ما يترك مكاني
لي سفينه و استحآله توصلينه
واثر هـ العالم تشوف الي خفاني
واثرك انتي ضمن ركاب السفينه
ابني قصور الغلا وحدي واعاني
كل ليله وجيتي انتي تهدمينه
اذكر أول من عرفتك ما نساني
وجهك الي صار لي ذكرى هزينه
وكنت اسأل وش ورا حزنك عساني
انفعك واكون لاسرارك امينه
كنت اخفف جرحك ب احساس جاني
تقطفي مني من الي تعشقينه
والبلا انـك قطفتي شي ثاني
ومالقيتي شي ثاني تقطفينه !
عقب ماخليت بك روح ومواني
ومدت ايدي الي اظنك تذكرينه
صرتي لجرحي تفاسير ومعاني
وجـتـني بشاره بأنـك تعـرفـينه
ما جرحني بيعة الي ما شراني
ولا مهم يزيد في هجره انينه
بس عيب الي يجيك بحب عاني
وش تحسينه بعد عضة يدينه !
لو من اول قلتي احساسه خذاني
كان بعطيك وعليها ياسمينه
يوم صديت وبكيته واحتوآني
قلبي الي فارق اغلى عاشقينه
جيتي بنفسك لجرحَ ن قد ملآني
وشفتي بعينك هذاك الي تبينه
ودك تشوفي ب فعلك وش بلاني ؟
لا تخافي ضاقت بعيني المدينه
والنّفس في صدري الليله عصاني
والهنا ودي يجي عيني ب عينه
سود الله وجهك ووجهٍ اناني
وجمّل الله فعل من جاك بحنينه
يا عسى ما تصبح بعينك أماني
وياعسى هـ الي بقلبي تشعرينه
انتهينا والشكر واصل زماني
الي ما مـره لمح حظـي جبينه
حن هالمره ورفع راسه عشاني
واثبت انك للأسف منـتي ثمينه
حطم احساسي الزمن لكن عطاني
فرصه اعرف وش ورا ذيك الحزينه