منتديات بعد حيي - عرض مشاركة واحدة

معرض الوسام · 04-06-2014, 11:47 PM

مدخل

مليت .. أجزم أغيب .. وارجع لبابك
(كن الخطاوي على دربك . توديني )

اطرق وصالك ويرد الصوت وش جابك
وانا بغيابك .. يطيح الكون من عيني

شفها دموعي تعاني لوعة غيابك
شفها ضلوعي ببعدك ماتدانيني

عمق

ابتسامه فراقك و القدر و الحنين
اتّجمع على طاريك و تعاتبك

كل شي فـ غيابك مثل مـ انت ِ تبين
صوت ذابل ..مقابل.. قلب ما مات بك

هي عيوني تحسبك اول الراحلين !
ما درت بـ ان قلبي سافر و بات بك

استميحك اذا ودك عشاني تجين
كل مابي اساسا ً ( كل الاوقات بك )

يكفي اني رغم وسع الفضا .. بك سجين
تسرق عيوني طيوفك ليا جات بك

كل ليله مضت تاخذ لك من السنين
الف ضحكه من اعماقي و لمحات بك

و اطق بابك و لكن كل ما قيل مين
آتلعثم و احس الوقت قد فات بك

و لا تذكرت بأني من غيابك حزين
قلت ( احبك ) و ربي للحزن كاتبك

مخرج

انا و قـصـيـدي بعـيـنـك لـــو تجـاهـلـتـه
ينـزف علـى شـأن يـروي قلبـك الضامـى

الــعـــام طـــــاري غــيــابــك مـاتـقـبـلـتـه
واليـوم حرمـانـي أصـبـح مـصـدر إلهـامـى

لاتـعـتـذرلـي وابـنـســى كــــل مـاقـلـتـه
وش ينفـع العـذر لامـن ضاعـت أيـامـى ؟

لاأرواحكم النقيه