الله يعزكـ اخي ماجد.. يسلموو
ومازلنا مع حرف الـــ ي
يـــوم كلت المحبه وقف الكيل
ماتحمل غلاتك وزن وقياس
اجبر الحال بإسمك واحمل الحيل
واغلب الباس دامك قلت لاباس
اشهد اني عرفتك فارس الخيل
للشدايد ورايك يرفع الراس
وانك الثابت اللي تعصي السيل
وانك الدرع الآمن شد الأقواس
شايل العهد لأجلك والوفا شيل
في خفوقي بصونه بين الأنفاس
لان روح الإخوه مالها ميل
لو رضا الله فيها الأصل والساس
حط كفك بكفي نقسم الليل
بين قلبك وقلبي نبض وإحساس
ياخوي الليالي شفتك سهيل
وانت في الناس عندي اقرب الناس
|