منتديات بعد حيي - عرض مشاركة واحدة

معرض الوسام · 05-21-2014, 02:33 PM

مدخل

على طاري غيابك وش بقى غير العتب .. والاااااه
حرام انك تخليني اعاني وانت بي داري

انا يوم اكتبك بأصدق شعوري مو عشان اقراه
ابيك تحس في لوعة جفاك ان جبت لك طاري

عمق

يضيق الكون من سبة غيابك...... و الوجيه اشباح
عجزت القى عن اشباح الطريق وضيقتي ساحه

انا يوم اتبع دروبك احسب اني معاك ارتاح
دخيلك وين اروح ان مالقيت بسكتك راحه

على شانك وفيت ولا جنيت الا الم واجراح
عبث تنكر وفا قلبٍ يحن وحزنه اجتاحه

انا من يبست اطرافي عرفت ان الضما ذباح
تعال اعتق جريحٍ يندهك عن وجه ذباحه

تعبت احزن على عمرٍ تحايله السنين وراااااح
واقول الله يسامح كل حلمٍ شح بأفراحه

اكابر وانكر الذكرى وعلى طيفك احن لا لاح
واضيع بغربتي بينك وبين الصمت واجراحه

اجي مثل الضرير الي يقول ان الامل مصباح
ولاكن القدر ضُيع مداه وخان مصباحه

ترى لا شح معروف الصبر ماللفرج مفتاح
مصيبه لو يخون المنتظر صبره ومفتاحه

تبي تعرف متى تندم على كبر الغلا...... ياصاح
ليامن طاح من عينك عزيزٍ صعب مطياحه

مخرج

أنا واحساسي .. افــ بعدكْ عصافير وشجر وأوراق
ظِلالْ وشمس لو تغرب ..يجينا ليلنا الثاني

عيونك موطن الساعة .. ودقّات الحنين أشواق
نسي في شارع الأيام ..لايعطيك عنواني

إذا أمسي مثل يومي شجن وأخبار ماتنطاق
أبــ..انسى ذكرياتي يوم .. واذكر بعض نسياني !

لاأرواحكم العذبه