احـــــذر من الدنيا ولاهـــي تغــرك
كم واحــــدن منها تغربل غــرابيل

لاتركـــم همـــوم اليالــي بصـــدرك
وانفــض غبـــار الهــم لازارك الليل

ترئ العنـــا والهــــم يثـــر بعمــــرك
لاتتــرك ابليـــسك يـــوردك للــــويل

وان جاك ضيق الوقت صدفه ومـرك...
قلــه خلاص القلـــب مافيــه تقبيــل

للصبـــر اجرتـــه وكفــــاه شــــــرك
واقسمت ماياتيـــه مثلك مـــداهيـــل

خـــلك قـــــــوي ايمــــــــان لله درك
واعلــــم بــان الله وحده قوي الحيل

مـــــادام رب الكـــــون وكلته امــرك
لابــــد مــا تاتيك منــــه التســـاهيـل

رب المـــــلأ يجـــزيك لاطـــال صبرك
ويعوضــك بيــــامك الـــي مقـــابيــل

واشـــر الـــذي يشريك ويعز قــدرك
الكسب يابن الناس كسب الرجاجيل

لجـواد صحبتهم تـــراهـــا تســرك
ياحي والله شــــوف منهم حـلاحيل

راعــــي الوفـا محزمك ويشد ظهرك
ويثبت معـــك لاجاك في دنيتك ميـل

واحـــذر رفيــق ً للمــــلامه يجــــــرك
ويسيـــر في دربن وكلــــه عراقيــــل

من صحبتـــه ياتيــك ماهــو يضــرك
ويهاجمـــك نقــالت القــال والقيــــل

وان شفتــه بـــدربك فغيـّـٓـر ممـــرك
مادام لك في الناس خــبره وتحليل

ترأ الردي له شبـــر ماهــــو بشبرك
واللاش مالــــه ذكر بيــن المشاكيــل