مدخل

الشوق جمر ٍ يشب النار بضلوعي
ويحمّل الروح شي ٍ ما تحملته

الله يجازيك ياللي تجبر دموعي
تنزل على شان وصلك ما تكاثرته


تقفي وأنا حاير ٍ منك وموجوعي
ماهزك الشوق وإحساسي تجاهلته





عمق







ياصفحة الموت ياللي بآخر كتابي
لا تاخذيني رجيتك وأسمعي عذري
-

على حدود التعب والليل وأرهابي
يطيح غصن الحياة وينكسر صبري
-


فيني من الهم ما يستهلك عتابي
والضيق عينٍ تهل الدمع من بدري
-

يموت كل الحكي في طارف أهدابي
وأشوف وجهي وأصد بعودي المبري
-

وأنا لك الله على درب الوجع رابي
وأحس هذا الألم من فوقي وحدري
-

ودي اواجه قبل لقياك غيّابي
ودي أردد لهم بيتين في صدري
-

ما قفل القلب من دون الوفا بابي
ولا تناسيتهم والله بي يدري
-

وأن كان ماشفتهم والموت حيابي
أبنتظر وصلهم وأنا وسط قبري






مخرج




دامه بقايا إنسان وش حصلوا فيه
غير التعب وجروح قلب ٍعطايب ..!


ودامه بقايا روح والليل يعطيه
من جملّة أوجاعه طعون و مصايب ..!






لاأرواحكم النقيه