منتديات بعد حيي - عرض مشاركة واحدة

معرض الوسام · 12-21-2014, 11:46 PM

مدخل

[ بيني / وبيني ] .. أنتظر ... لو ما يفيد الإنتظار
صار الوهم عادة .. وعادات الوهم .. صارت سِمَه !!

مدري يبوح الليل بأحلامي .. وينزاح الستار ؟؟
والا تنسّيني الليالي .. كلّ ما كنت أحْلمه .!!

عمق

حَتَّى الزِّمَنْ ... مِنْ جفَافْ الحلْمْ قَهْوَانِي
لِيْت الزِّمَنْ مَاقَرَا حَظِّيْ بفِنْجَانَه

وَقْتِيْ فَقِيْر وْحَكَايَا الصُّبْحْ تمْلانِي
والجَرْح شَرَّعْ شبَابِيْكَه و بِيْبَانَه

يمُرِّنِي العُمْر مُكْرَهْ ويْتَعَدَّانِي
ويملِّنِي الليْل لِيْن تضِيْقْ جدْرَانَه

صَمْتِي شَرَحْه [ البِكِي ] والحُزْن غَنَّانِي
أَشْعَلْ ذُنُوْب الحَنِيْن ومَلَّ غُفْرَانَه

كنْت أَبْذر الشَّمْس فِي كَفِّيْ وأَلْقَانِي
عَلَى جَنَاح السِّمَا أَخْتَار لِي خَانَه

كَنَّا نطَرِّزْ ثِيَاب المَوْعِدِ الثَّانِي
كَان الأَمَلْ طفْلِنَا ونْقَبِّلْ اجْفَانَه

مِنْ دَلِّنِي الليْل وَاحْزَانِي هِيَ أحْزَانِي
أَرْضِيْ يبَاس وْعُيُون الغِيْمْ عَطْشَانَة

تَبَّتْ يدِيْن الغِيَاب اللِّيْ تَحَدَّانِي
عَيَّا ينَام انْتِظَارِيْ والوفَا خَانَه

مخرج

إن جيت أبجْـمعني .. رياح الوقت

تنثْرني غبار

وإن جيت أبنْـثرني .. عجزت أكْسر ثبات اللمْـلمه

كيف التقيني لأسّتحالت .. كلّ وجهــاتي دمار ..؟!!
كيف ألمس أطْراف السما ..هذا المسا كيف ارْسمه !!

لاأرواحكم النقيه