أنا من أمس ما شفتك ..
علومك يا عساها بخير
تبعثر هالوطن فيني أنا أبحث عن أهدابك
دخيلك لما تلقاني
تعال وطمّن عيوني
أنا من وقت ما شفتك
إذا تذكر ..
أنا مرّيت لأشعارك
وشفتك تكتب عيونك
متى يا شاعري تكبر ؟؟
واشوف الشمس عنوانك
انا ناديتك وربي
عساك فيوم تقبرني
وتدعي يا وطن ليلة
سموّ الشاعر تأخر
اكيد يرتب شعوره
وهو من أمس ما شافك

جروحك شارع وشاعر وأنا من أمسك أهمسلك
تـعديــت العـــطا... ســاعة وأنــــا قـــبطان للـدفّه
انــا المأمــون لــعيونــك او الــمأمــور فـــي قـتلك
وانــا أرض الجفاف اللي من مزونك تبي نفّه
أبيـــك تكون لــي غــيمة وانــا بنــبت شعر لجلك
وابيــك البـــدر وشـــعاعـــه... وبــاقة ورد ملتفّه
أنــا من أمــس ما شفــتك تعـبت أدور عن مثلك
تعـال ورتــب إنسانك وفـي سطر التعب صفه
أبــي أســألك مـــا ترحـــم وانـــا مــن وقـت أندهلك
إذا حـــب القــدر عافك ... أنا [ بحبك ] بعفّه
أنا المحتار وش أوصف جمالك أو صعب سهلك
دخــيل الوقــت يا شـــاعر... أريد احيا وسط كفه

أنا مريتك البارح
تحت ظل النخل جالس
ورا شبك الطعون
اللي تربى وسط أحضانك
متى يا شاعري تكبــر ؟؟
فعيني تكبر وتكبر
وأشوف الشمس عنوانك !!