تذكرتك وأنا الطير الجريح مفارق الخلان.. ونار البعد وفراقك تعل أقصى شراييني ..أنا أدريبك سراب ما تطفي لهفة الضميان..تذكرتك سنين ولو نسيتك منت ناسيني .. أبي أعرف ليه في غيابك جوفي يمتلي دخان.. وأحس أني لحالي وأقرب أحبابي حواليني..حبيبي رحت عني وأنت لاراضي ولا زعلان.. ياليتك قلتلي قبل الفراق أنك مخليني ..رحت وغابت الفرحة ورى ليل من الحرمان.. ورجعت لصوتك اللي كان يملأ الكون يدعيني..أثر نار الجفا صلفه دخيلك ياعظيم الشان..أنا ما عاد لي شوف على الفرقى يقديني..بعد فرقاك عشت الجرح عمر العاشق الشفقان..على باب العمر لا مر لك طاري يبكيني..تعرف أنك بقلبي وأدري أنك لشوفتي ولهان..حبيبي ليه تقتل حبنا مادمت تغليني..تخفي لوعتك عني تصد وتبدي النسيان..وتفضح نظرتك خافي حنينك لو تراعيني..حبيبي تعبت عيوني السهر من عاشق سهران..تعبت وطال بعدك والعمر ماعاد يمديني..غرب ضي الأمل قبل الشروق وسادت الأحزان..دروب العمر تسرق فرحتي والحزن يطويني..أنا مثل الغريق وطاري الذكرى كما الطوفان..تزيد الجرح في قلبي وتبعدني وتدنيني.. تعبت ومركبي مل السفر وضاقت به الشطآن .. ولا لي غير حبك ساحل يمكن يرسيني..حصدت الدمع محصول الفراق ولوعة الهجران ..الا مني ذكرتك غرق كفوفي مطر عيني.. سحابك يامشاش الملح مايفرح به العطشان.. أموت من الظما والا شربتك منت مجديني..ينابيعك تفجر من عيوني كنها بركان..توطي عزتي تختال من جفني لكفيني..بعد ماغرق عمري فالحزن ضاقت بي البلدان..وشفت الموت في كل الدروب وقلت أنا ويني..
أنا مليت ..مليت من العذاب وقلبي المليان ..بهم صاب من هجر الحبايب مقتل سنيني..
يأست من الفراح في موسم فيه الأمل كسلان..رفعت الراية البيضا لحزني وارتمى فيني..وعرفت أني بعد فوت الأوان العاشق الخسران..ودريت أن أصدق وعود الهوا ماعاد ترويني..رجعت بحسرتي كلي جروح مكسر الجنحان..وسال الجرح دم وشفت وجهك في شرايني..

by mail